ەلوردادا «تازا دۇيسەنبى» ەكواكتسياسى ءوتتى
استانادا «تازا قازاقستان. استانا – تازالىق پەن ءتارتىپتىڭ ۇلگىسى» اۋقىمدى ەكواكتسياسى اياسىندا «جاسىل ەل» جاستار ەڭبەك جاساقتارى كەزەكتەگى «تازا دۇيسەنبى» 7 اكتسياسىن وتكىزدى. استانا قالاسىنىڭ جاستار ساياساتى ماسەلەلەرى باسقارماسىنىڭ قولداۋىمەن «رەسپۋبليكالىق ستۋدەنتتىك قۇرىلىس جانە جاستار جاساقتارى قوزعالىسى» قوعامدىق قورىنىڭ ۇيىمداستىرۋىمەن وتكەن ءىس-شارادا ەلورداداعى رەسپۋبليكالىق باس مەشىت اۋماعىندا تازالىق جۇمىستارى جانە اعاشتارىنا كۇتىم جاسالدى. اكتسياعا جالپى 170-تەن اسا جاستار قاتىستى, دەپ حابارلايدى astana-akshamy.kz.
اكتسيا قالانىڭ ەكولوگيالىق جاعدايىن جاقسارتۋ جانە تازالىقتى ساقتاۋ, ءاربىر اۋلادا تازالىق پەن تارتىپكە سانالى, ادال كوزقاراس قالىپتاستىرۋ. ماقساتىندا وتكىزىلەدى.
«جاسىل ەل» باعدارلاماسىن ىسكە اسىرۋ – مەملەكەتتىك جاستار ساياساتىنىڭ نەگىزگى باسىم باعىتتارىنىڭ ءبىرى. ول جاستاردىڭ كۇشىمەن ەلىمىزدى كوگالداندىرۋ, اباتتاندىرۋ ارقىلى ستۋدەنت جاستاردى ەڭبەكپەن قامتاماسىز ەتۋ, جاستار اراسىندا ەكولوگيالىق تاربيەنى ناسيحاتتاۋ جانە دوستىق قارىم-قاتىناستى نىعايتۋ, جاستاردىڭ تابيعاتقا قامقورلىقپەن قاراپ, ءوزىنىڭ جەرىنە, ەلىنە دەگەن سۇيىسپەنشىلىگىن قالىپتاستىرۋ ماقساتىندا ۇيىمداستىرىلىپ ءجۇر. بۇگىنگى ءىس-شارا بارىسىندا ءوندىرىس تۇرعىن الابىنىڭ اينالاسىن تازارتۋ جۇمىستارى جۇرگىزىلدى. ەكولوگيالىق سانا مەن مادەنيەتتى قالىپتاستىرۋىمىز كەرەك. ونى اركىم وزىنەن باستاعانى ءجون», – دەدى مارات مۇحامەدجانوۆ.
ايتا كەتەيىك, بيىل «جاسىل ەل» ەڭبەك جاساقتارىنىڭ XX ەڭبەك ماۋسىمى باستالدى.
جوبا اياسىندا ەلوردا بويىنشا 4200-دەن استام 14 پەن – 35 جاس ارالىعىندا جاستار جۇمىسپەن قامتاماسىز ەتىلەدى. ولار قالامىزدىڭ قۇرىلىس نىسانىندارىنا, قالا ماڭىنداعى «جاسىل بەلدەۋدە», الەۋمەتتىك نىسانداردى, جالپى ءبىلىم بەرەتىن مەكەمەلەر اۋماعىندا, قالا ساياباقتارىنا, كوگالداندىرۋ جۇمىستارىنا جۇمىلدىرىلادى.