قر ۇلتتىق اكادەميالىق كىتاپحاناسىندا تۇرىكمەنستان پرەزيدەنتى سەردار بەردىمۇحامەدوۆتىڭ «Änew – müňýyllyklardan gözbaş alýan medeniýet» (اناۋ – مىڭجىلدىق مادەنيەتتىڭ مايەگى) اتتى كىتابىنىڭ تۇساۋكەسەرى ءوتتى, دەپ حابارلايدى astana-akshamy.kz.
ءىس-شاراعا ديپلوماتيالىق كورپۋس وكىلدەرى, قازاقستان مەن تۇرىكمەنستاننىڭ كورنەكتى عالىمدارى مەن جازۋشىلارى قاتىستى.
سەردار بەردىمۇحامەدوۆتىڭ ەڭبەگى تۇرىكمەن حالقىنىڭ باي مادەني-تاريحي مۇراسىن جاڭعىرتىپ, ناسيحاتتاۋعا, سونداي-اق تۇركى ەلدەرىنىڭ تاريحشىلارى, ارحەولوگتارى اراسىنداعى حالىقارالىق بايلانىستىڭ دامۋىنا جاردەمدەسۋگە ارنالعان.
«قازاقستان جۇرتشىلىعى بۇگىن ءۇش تىلدە جارىق كورگەن كىتاپپەن تانىسىپ وتىر. كىتاپ تۇركىمەنستاننىڭ ەجەلگى اناۋ قالاسىنىڭ 2024 جىلى «تۇركى الەمىنىڭ مادەني استاناسى» بولىپ جاريالانعانىنا وراي جازىلعان.بۇل ەكى ەل اراسىنداعى مادەني بايلانىستىڭ ارتۋىنا, كەڭىنەن تانۋىنا ىقپال ەتەدى”,-دەدى تۇرىكمەنستاننىڭ قازاقستانداعى ەلشىسى باتىر رەجەپوۆ.
ءىس-شارا اياسىندا قوناقتار كىتاپ- يلليۋستراتسيالىق كورمەسىمەن تانىستى.
