ەلوردادا جاڭا ۋچاسكەلىك پوليتسيا پۋنكتى اشىلدى, دەپ حابارلايدى astana-akshamy.kz
استانا قالاسى پوليتسيا دەپارتامەنتىنىڭ باستىعى مارات تولەباەۆ ءماسليحات دەپۋتاتتارىمەن بىرگە كوكتال-2 شاعىن اۋدانىندا جاڭا ۋچاسكەلىك پوليتسيا پۋنكتىن اشتى.
– جاڭا پۋنكتتىڭ اشىلۋى ازاماتتار ءۇشىن قادامدىق قولجەتىمدىلىكتە بولۋعا, پوليتسيانىڭ ارەكەت ەتۋ جىلدامدىعىن ارتتىرۋعا, اۋدانداعى قىلمىس پەن قۇقىق بۇزۋشىلىقتاردىڭ سانىن ازايتۋعا, سونداي-اق قالاداعى قوعامدىق قاۋىپسىزدىك پەن قۇقىق ءتارتىبىن قامتاماسىز ەتۋ ءۇشىن قوسىمشا رەسۋرستار جاساۋعا مۇمكىندىك بەرەدى, – دەپ اتاپ ءوتتى استانا قالالىق پد باستىعى.
№ 71 ۋچاسكەلىك پوليتسيا پۋنكتى ن.تىلەنديەۆ داڭعىلىنداعى جەتى جول-3 تۇرعىن ءۇي كەشەنىندە ورنالاسقان. ءۇي-جايدىڭ جالپى اۋدانى 57 شارشى مەتردى قۇرايدى, عيمارات ازاماتتاردى قابىلداۋعا ارنالعان زاماناۋي قۇرال-جابدىقتارمەن جابدىقتالعان.
تۇرعىنداردىڭ وتىنىشتەرىنە جەدەل جاۋاپ بەرۋ ءۇشىن ۋچاسكەلىك پوليتسيا ينسپەكتورلارى جۇمىس ىستەۋدە.
شاعىن اۋداندا استانا قالاسى اكىمدىگىنىڭ “№5 بالالار مەن جاسوسپىرىمدەردىڭ مامانداندىرىلعان وليمپيادالىق رەزەرۆ سپورت مەكتەبى” كمم, №68 مەكتەپ-گيمنازيا, اۆتوكولىك يەلەرى ءۇشىن مامانداندىرىلعان حالىققا قىزمەت كورسەتۋ ورتالىعى سياقتى ماڭىزدى نىساندار بار.
– سارىارقا اۋدانىندا جاڭا پوليتسيا پۋنكتىنىڭ اشىلۋى پوليتسيا مەن تۇرعىنداردىڭ ءوزارا تىعىز قارىم-قاتىناسىنا, قىلمىستى دەر كەزىندە اشۋعا جانە الدىن الۋعا ىقپال ەتەدى. ويتكەنى, قىزمەت كورسەتىلەتىن شاعىن اۋداندا 32 مىڭنان استام تۇرعىن تۇرادى, – دەدى ءماسليحات دەپۋتاتى باۋىرجان سمايىلوۆ.
پوليتسيا دەپارتامەنتى ازاماتتارعا قولايلى جاعداي جاساۋ ماقساتىندا ەلوردا اكىمدىگىنىڭ قولداۋىمەن جىل باسىنان بەرى قالادا بىرنەشە ۋچاسكەلىك پوليتسيا پۋنكتتەرىن اشتى.
بۇل باعىتتاعى جۇمىستار قوعامدىق ءتارتىپتى نىعايتۋ, قۇقىق بۇزۋشىلىقتارعا مۇلدەم توزبەۋشىلىكتى قالىپتاستىرۋ, تۇرمىستىق زورلىق-زومبىلىقتىڭ, كامەلەتكە تولماعاندار اراسىنداعى قۇقىق بۇزۋشىلىقتىڭ الدىن-الۋ, سونداي-اق ازاماتتاردىڭ قاۋىپسىزدىگى مەن جايلىلىعى ءۇشىن جۇرگىزىلىپ جاتىر.
