استانا قالاسىنىڭ ءبىلىم باسقارماسىنىڭ ادىستەمەلىك ورتالىعىنىڭ ۇيىمداستىرۋىمەن قالامىزداعى جاس پەداگوگتەردىڭ كاسىبي ءوسۋى مەن قۇزىرەتتىلىكتەرىن دامىتۋ ماقساتىندا «جاس پەداگوگتەر سلەتى» وتۋدە, دەپ حابارلايدى astana-akshamy.kz.
جيىنعا قر وقۋ-اعارتۋ مينيسترلىگى وكىلدەرى, استانا قالاسى ءبىلىم باسقارماسىنىڭ باسشىسى, ادىستەمە ورتالىعى مەن ءار ءتۇرلى سالا ماماندارى قاتىستى. ولار جاس پەداگوگتەرمەن ديالوگ الاڭىن قۇرىپ, جاس مامانداردى بىرىكتىرىپ, ۇستازداردىڭ سۇراقتارىنا اشىق جاۋاپ بەردى.
سونىمەن قاتار قالامىزدىڭ كاسىبي پەداگوگتەرى جاس ماماندارعا ارنالعان پسيحولوگپەن ترەنينگ, وقىتۋ ترەنينگتەرى, TEDx جوباسى مەن ۇلتتىق سپورتتىق ويىندار وتكىزۋدە.
ءبىر كۇنگە سوزىلاتىن سلەت اياسىندا جاس پەداگوگتەر ءبىر-بىرىمەن تانىسىپ, تاجىريبە الماسادى. ۇيىمداستىرىلعان ترەنينگ-كوۋچينگتەردەن, سەكتسيا جۇمىسى بارىسىندا ءبىلىم بەرۋ سالاسىنىڭ كوپتۇرلىلىگىنە كوز جەتكىزىپ, كوپتەگەن جاڭا اقپاراتقا يە بولا الادى.
