جاستاردى تۇراقتى جۇمىسپەن قامتۋ – قالامىزدا جۇزەگە اسىپ جاتقان ماڭىزدى مىندەتتىڭ ءبىرى. جىل باسىنان بەرى جۇمىسپەن قامتۋ شارالارىمەن 4 712 جاس قامتىلىپ, ونىڭ 1 642 تۇراقتى جۇمىسقا ورنالاسقان. 1 437 جاس مامان جەڭىلدەتىلگەن جۇمىس ورىنىنا جىبەرىلدى. ونىڭ ىشىندە الەۋمەتتىك جۇمىس ورىندارىندا 118, قوعامدىق جۇمىستاردا 859, «جاستار تاجىريبەسى» باعدارلاماسى بويىنشا 365, «العاشقى جۇمىس ورنى» جوباسى اياسىندا 95 ادام جۇمىسپەن قامتىلدى, دەپ حابارلايدى astana-akshamy.kz.
ەلىمىزدە جاستاردى جۇمىسقا ورنالاستىرۋعا ارنالعان بىرنەشە ءتيىمدى باعدارلاما جۇمىس ىستەيدى. سونىڭ ءبىرى – «العاشقى جۇمىس ورنى» باعدارلاماسى. بۇل العاش جۇمىس ىزدەپ جۇرگەن ازاماتتارعا جۇمىس ورنىن جانە قاجەتتى ەڭبەك داعدىلارىن بەرۋگە باعىتتالعان جوبا. وعان 35 جاستان اسپاعان, جۇمىس تاجىريبەسى جوق جاستاردىڭ وكىلى ءوتىنىم بەرە الادى. قاتىسۋ ۇزاقتىعى 18 ايدان اسپايدى. باعدارلامادا ءوتىنىم بەرۋشى 30 اەك مولشەرىندە, ياعني 110 760 تەڭگە جالاقى الادى.
سونىمەن بىرگە جاستار تاجىريبەسى باعدارلاماسى – كوللەدجدەر مەن جوعارى وقۋ ورىندارىنىڭ تۇلەكتەرىنە ماماندىعى بويىنشا باستاپقى جۇمىس تاجىريبەسىن الۋعا مۇمكىندىك بەرەدى. وعان 35 جاستان اسپاعان, كاسىبي تاجىريبەسى جوق ازاماتتار ءوتىنىم بەرە الادى. باعدارلاماعا ءوتىنىم بەرۋشىنىڭ ۋنيۆەرسيتەت نەمەسە كوللەدجدى ءبىرىپ, ديپلوم العانىنا 5 جىلدان اسپاۋى قاجەت. پراكتيكادان ءوتۋ مەرزىمى ەڭبەك وتىلىنە ەسەپتەلەدى. قاتىسۋ ۇزاقتىعى 12 ايدان اسپايتىن بۇل باعدارلامادا ءوتىنىم بەرۋشى 30 اەك مولشەرىندە جالاقى الادى. سونداي-اق, مەكەمەدە تۇراقتى جۇمىسقا ورنالاسۋعا مۇمكىندىك الادى.
ۇرپاقتار كەلىسىمشارتى – زەينەتكەرلىك جاسقا تولعان جۇمىس ىستەپ تۇرعان قىزمەتكەردى كەيىننەن اۋىستىرا وتىرىپ, وقۋ ورىندارىنىڭ تۇلەكتەرىن جۇمىسقا ورنالاستىرۋعا ارنالعان. جوباعا 35 جاستان اسپاعان جاستار قاتىسا الادى. ۇزاقتىعى 6 ايدان اسپايدى. ەستەرىڭىزگە سالا كەتەيىك, جۇمىس ىزدەگەندەر مەن جۇمىسسىز ازاماتتار enbek.kz ەلەكتروندى ەڭبەك بيرجاسى ارقىلى جانە egov.kz ەلەكتروندى پورتالىن پايدالانۋ ارقىلى ونلاين تىركەلە الادى, – دەيدى استانا قالاسى اكىمدىگىنىڭ «ەڭبەك موبيلدىلىگى ورتالىعى» كمم ديرەكتورى ولجاس ومار.
سونىمەن بىرگە بەيبىتشىلىك كوشەسى, 9 مەكەنجايىندا ورنالاسقان مانساپ ورتالىعىنا جۇگىنە الادى. جۇمىسىنان ايىرىلعان جاعدايدا مىندەتتى الەۋمەتتىك ساقتاندىرۋ جۇيەسىنە كەمىندە 24 اي قاتىسۋشى ازامات جۇمىسسىز رەتىندە تىركەلگەن كۇننەن باستاپ الەۋمەتتىك تولەم الۋ قۇقىقىعىنا يە بولادى. استانا قالاسىندا 2024 جىلدىڭ 21 ماۋسىم كۇنى ساعات 14:30-17:00 ارالىعىندا بەيتشىلىك داڭعىلى, 9 مەكەنجايى بويىنشا شاعىن بوس ورىندار جارمەڭكەسى وتەدى. مۇندا Solax Hotel Business Management كومپانياسى, جشس (پەكين پالاس) , «SMEU Astana» جشس, «SMEU Svetofor» جشس, «Bazis Construction» جشس استانا قالاسىنداعى فيليالى جانە تاعىدا باسقا جۇمىس بەرۋشىلەر قاتىسادى.
