مامىردىڭ ءار ءۇشىنشى جەكسەنبىسىندە الەم جيتس-اۋرۋىنان قايتىس بولعانداردى ەسكە الادى. ەلوردادا سوڭعى ون جىلدا جيتس-تەن ءولىم-ءجىتىم ەكى ەسە ازايدى, دەپ حابارلايدى astana-akshamy.kz.
بۇنىڭ ءبارى دياگنوز قويىلعاننان كەيىن بىردەن قولجەتىمدى انتيرەتروۆيرۋستىق تەراپيانىڭ ارقاسىندا. بۇل تۋرالى قالالىق ايتۆ-ينفەكتسياسىنىڭ الدىن الۋ ورتالىعىنىڭ ديرەكتورى قانات اسقاروۆ ايتىپ بەردى.
ستاتيستيكاعا سۇيەنسەك:
استانادا ايتۆ-نىڭ 3 مىڭداي جاعدايى تىركەلگەن;
جىل باسىنان بەرى بۇل كورسەتكىش 142-ءنى قۇرايدى;
جۇقتىرعانداردىڭ 64%-ى 20-39 جاس ارالىعىنداعى جاستار;
باسىم جۇعۋ كوزى – جىنىستىق جول (90%-دان استام).
ەلوردالىق دارىگەرلەر ايتۆ-ينفەكتسياسىنىڭ الدىن الۋ تاسىلدەرىن وزگەرتە باستادى. سكرينينگكە, دياگنوستيكاعا جانە ەمدەۋگە ەرەكشە نازار اۋدارىلاتىن جاڭا ستراتەگيالار (95-95-95) انىقتالدى. ءىس جۇزىندە بۇل «تابى, سىناۋ, ەمدەۋ جانە ساقتاۋ» تۇجىرىمداماسىن جۇزەگە اسىرۋدى بىلدىرەدى.
ماسەلەن, ەمحانالاردا كلينيكالىق كورسەتكىشتەر بويىنشا ايتۆ-عا تەستىلەۋ بەلسەندى جۇرگىزىلۋدە. ناتيجەسىندە 80%-دان استامى ەرتە كەزەڭدەردە انىقتالادى. حالىقتىڭ نەگىزگى توپتارى ءۇشىن ۇەۇ بازاسىندا ەكسپرەسس-تەستىلەۋ ەنگىزىلدى. يندەكستىك تەستىلەۋ باعدارلاماسى جۇزەگە اسىرىلۋدا. جىل باسىنان بەرى بارلىعى 100 مىڭنان استام ادام ايتۆ-عا تەكسەرىلدى.
الدىمىزعا قويعان جاڭا ماقسات – جاڭا تەحنولوگيالاردى, دارىلىك نارىقتا جاڭا پرەپاراتتاردى جانە نەعۇرلىم جەڭىلدەتىلگەن ەمدەۋ سحەمالارىن ەنگىزۋ.
