استاناداعى كوممۋنالدىق سالا قىزمەتكەرلەرى تاۋلىك بويى كۇشەيتىلگەن رەجيمدە جۇمىس ىستەۋدە. وتكەن تۇندە قالادان 2,5 مىڭعا جۋىق جۇك كولىگىمەن 33 مىڭ تەكشە مەتردەن استام قار شىعارىلدى, دەپ حابارلايدى astana-akshamy.kz.
20 اقپان كۇنى تاڭەرتەڭ قار تازالاۋ جۇمىسىنا 1,3 مىڭنان استام ارنايى تەحنيكا مەن 2000-عا جۋىق جول جۇمىسشى جۇمىلدىرىلدى.
قىس باستالعالى قار پوليگوندارىنا 356 مىڭعا جۋىق رەيس ارقىلى 4,8 ملن تەكشە مەتر قار شىعارىلعان.
بۇگىندە استانادا بىرنەشە قار پوليگونى جۇمىس ىستەيدى. ولاردىڭ بارلىعى ساموسۆال تەحنيكاسىنىڭ نومىرلىك بەلگىلەرىن وقۋ جۇيەسىمەن, بەينەباقىلاۋمەن جابدىقتالىپ, جارىقتاندىرىلعان.
استانادا 20 اقپان كۇنى جاۋىن-شاشىنسىز كوشپەلى بۇلت شىعادى دەپ بولجانىپ وتىر. وڭتۇستىك باعىتتاعى جەلدىڭ جىلدامدىعى – 2-7 م/س. اۋا تەمپەراتۋراسى تۇندە: -29-31, كۇندىز: -17-19 اياز.
