گەرمانيا فەدەراتيۆتىك رەسپۋبليكاسى قارۋلى كۇشتەرى دەلەگاتسياسىنىڭ وكىلدەرى ۇلتتىق قورعانىس ۋنيۆەرسيتەتىندە كوشباسشىلىق جانە ازاماتتىق ءبىلىم بەرۋ ماسەلەلەرى بويىنشا سەمينار وتكىزدى, دەپ حابارلايدى astana-akshamy.kz.
سەميناردا كوشباسشىلىق مادەنيەتى مەن فيلوسوفياسى, سونداي-اق ءححى عاسىرداعى كوشباسشىلىققا تونەتىن سىن-تەگەۋرىندەر ۇسىنىلدى.
بۇدان بولەك ساياسي, تاريحي, مادەنيەتارالىق جانە ەتيكالىق اسپەكتىلەردى, وتباسى مەن قىزمەتتىڭ ۇيلەسىمدىلىگىن ەسكەرە وتىرىپ, جەكە تۇلعانى تاربيەلەۋ تاقىرىپتارى ءسوز بولدى. بۇۇ قاۋىپسىزدىك كەڭەسىنىڭ 1325 قارارىن ىسكە اسىرۋ شەڭبەرىندە قارۋلى كۇشتەردەگى ايەلدەردىڭ ءرولى دە اتاپ ءوتىلدى.
ساپار باعدارلاماسى بويىنشا گەرمانيا دەلەگاتسياسىنىڭ مۇشەلەرى قر قارۋلى كۇشتەرىنىڭ مەملەكەتتىك اسكەري-تاريحي مۇراجايىندا, قازاقستان رەسپۋبليكاسىنىڭ ۇلتتىق مۋزەيىندە بولىپ, ەلوردانىڭ كورىكتى جەرلەرىمەن تانىستى.
