ەلوردالىق ەرىكتىلەر سۋ تاسقىنىنان زارداپ شەككەندەرگە قالاي كومەكتەسىپ جاتىر

«استانا جاستارى» جاستار رەسۋرستىق ورتالىعىندا ءتورت جىلدان بەرى قالالىق ەرىكتىلەر شتابى جۇمىس ىستەيدى, دەپ حابارلايدى astana-akshamy.kz

قازىر ونىڭ قۇرامىنا التى مىڭنان استام بەلسەندى ەرىكتى كىرەدى. ونىڭ مۇشەلەرى سۋ تاسقىنىنان زارداپ شەككەن وڭىرلەرگە قالاي كومەكتەسكەنى تۋرالى كوممۋنيكاتسيالار قىزمەتىندە وتكەن بريفينگتە شتاب باسشىسى شىڭعىس تىلەۋلين ايتىپ بەردى.

ەلوردالىق ەرىكتىلەر سۋ تاسقىنىنان زارداپ شەككەن قازاقستاندىقتارعا قولدان كەلگەنشە كومەك كورسەتىپ جاتىر.

29 ناۋرىز بەن 10 مامىر ارالىعىندا استانادا مەملەكەتتىك ورگانداردىڭ, كاسىپكەرلەردىڭ, ۇكىمەتتىك ەمەس ۇيىمداردىڭ, جەكە تۇلعالار مەن ەرىكتىلەردىڭ كۇشىمەن 1160,5 تونناعا جۋىق گۋمانيتارلىق كومەك جينالدى.

«قالالىق ۆولونتەرلىك شتابتى ۇيلەستىرۋ كەزىندە گۋمانيتارلىق كومەك الىمدارىمەن 10 پۋنكت (الەۋمەتتىك قويمالار) اينالىسادى. جيىنعا 30 ەرىكتىلەر ۇيىمى مەن 500-دەن استام ادام جۇمىلدىرىلدى», – دەدى تىلەۋلين.

ەلوردا اكىمدىگىنىڭ تىكەلەي ۇيلەستىرۋىمەن 1160,5 توننا گۋمانيتارلىق كومەك مىنا وبلىستارعا جىبەرىلدى:

1) اقتوبە وبلىسىنا – 260 توننا.

2) باتىس قازاقستان وبلىسىنا – 216,5 توننا.

3) قوستاناي وبلىسىنا – 246 توننا.

4) قاراعاندى وبلىسىنا – 40 توننا.

5) اتىراۋ وبلىسىنا – 51 توننا.

6) سولتۇستىك قازاقستان وبلىسىنا – 335 توننا.

7) اقمولا وبلىسىنا – 12 توننا.

ءار ايماققا قاجەتتى تاۋارلار جىبەرىلدى. ولار: ازىق-تۇلىك, بوتەلكەدەگى سۋ, جەكە گيگيەنا قۇرالدارى, سونداي-اق سۋ تاسقىنى ايماقتارىندا جۇمىس ىستەۋ ءۇشىن قاجەتتى جابدىقتار (قايىقتار, گەنەراتورلار, كۇرەكتەر, سومكەلەر, قولعاپتار, شامدار, ارنايى كيىم جانە ت.ب.).