ەلوردالىق وقۋشىلارعا بالالار لاگەرىندە IT-تەحنولوگيالار وقىتىلادى
![](https://astana-akshamy.kz/wp-content/uploads/2024/06/db7cbbcdda74db47781ae9c15df7507d_1280x720-780x470.jpeg)
استانا قالاسى ءبىلىم باسقارماسى ۇيىمداستىرعان ەلوردالىق وقۋشىلارعا ارنالعان جازعى لاگەر اياسىندا «ASTANA Polytechnic» جوعارى كوللەدجىندە «بالالار كاسىپتىك لاگەرى» جۇمىسى ۇسىنىلدى, دەپ حابارلايدى astana-akshamy.kz.
ۇيىمداستىرۋشىلاردىڭ ايتۋىنشا, وقۋشىلار لاگەردە IT-تەحنولوگيالار الەمىندە جاڭا ءبىلىمدى ۇيرەنىپ, ۋاقىتتى ءتيىمدى وتكىزە الادى. ولار Web ازىرلەۋ, گرافيكالىق ديزاين, ءموبيلدى روبوتوتەحنيكا جانە 3D مودەلدەۋ باعدارلامالارىن يگەرە الادى. جوبا it-قۇزىرەتتىلىك ورتالىعى ارقىلى بالالاردىڭ قابىلەتتەرىن دياگنوستيكالاۋ جانە كاسىپتىك باعدارلاۋ, سونداي-اق كاسىپتىك دامۋ تراەكتورياسىن قالىپتاستىرۋ جانە وقۋشىلارعا ماماندىق تاڭداۋعا كومەكتەسۋ ماقساتىندا ۇيىمداستىرىلعان.
«بۇگىن مەن مەكتەپ لاگەرىنە باردىم. مۇندا وقۋشىلار IT-تەحنولوگيالار الەمىندەگى ەڭ جاڭا جانە ماڭىزدى ءبىلىمدى الادى جانە بوس ۋاقىتتارىن بىرنەشە باعىتتا ۇلكەن پايدامەن وتكىزەدى. ماعان ءبارى وتە ۇنادى», – دەدى شاراعا قاتىسۋشى الديار.
وسى جىلدىڭ جازعى كەزەڭىندە جازعى دەمالىستىڭ بارلىق تۇرلەرىمەن 1-10 سىنىپتاردىڭ 200 مىڭنان استام وقۋشىسى قامتىلاتىنىن اتاپ وتكەن ءجون.