ەلوردالىق قۇتقارۋشىلار باق وكىلدەرىمەن بىرىگىپ سۋ ايدىندارىندا رەيد جۇرگىزدى
شومىلۋ ماۋسىمى كەزىندە حالىقتىڭ قاۋىپسىزدىگىن قامتاماسىز ەتۋ ماقساتىندا استانا قالاسى تج دەپارتامەنتى الدىن الۋ جانە تاجىريبەلىك ءىس-شارالار كەشەنىن جۇزەگە اسىرۋدا, دەپ حابارلايدى astana-akshamy.kz.
سۋ ايدىندارىندا تۇرعىنداردىڭ قاۋىپسىزدىگىن قامتاماسىز ەتۋ ماقساتىندا دەپارتامەنت قىزمەتكەرلەرى كۇن سايىن اكۆاتوريانىڭ نەعۇرلىم قاۋىپتى ۋچاسكەلەرىندە پاترۋلدەۋ جۇرگىزەدى, ونىڭ كەزەڭىندە حالىقپەن اڭگىمەلەسۋ جۇرگىزىلەدى جانە سۋداعى قاۋىپسىزدىك قاعيدالارىن ساقتاۋ بويىنشا ۇگىت-ناسيحات پاراقشالارى تاراتىلادى. رەيد جۇمىستارىن جۇرگىزۋ بارىسىندا قاراپايىم قاۋىپسىزدىك ەرەجەلەرىن ساقتاۋ بويىنشا حالىقتى اقپاراتتاندىرۋدى قامتاماسىز ەتۋگە باعىتتالعان اۋقىمدى جۇمىستار جۇرگىزىلدى.
استانا قالاسى تجد ەلوردا تۇرعىندارى مەن قوناقتارىنا كەزەكتى رەت قىراعۋ بولۋعا, رۇقسات ەتىلمەگەن جەرلەردە شومىلماۋعا, سۋ ايدىندارىنداعى قاۋىپسىزدىك ەرەجەلەرىن بۇزباۋعا, ماس كۇيدە شومىلماۋعا, بالالاردى قاراۋسىز قالدىرماۋعا, كوپىرلەر مەن قايىقتاردان سۋعا سەكىرمەۋگە, قورشاۋ بەلگىلەرىنەن تىس جۇزبەۋگە شاقىرادى.
