استانا قالاسىنىڭ سپورتشىسى ءامىر مايمۇراتوۆ سپورتتىق قۇزعا ورمەلەۋدەن وليمپيادا جولداماسىن يەلەندى, دەپ حابارلايدى astana-akshamy.kz.
سپورتتىق قۇزعا ورمەلەۋدەن قازاقستان كومانداسىنىڭ وكىلى ءامىر مايمۇراتوۆ بۋداپەشتەگى (ۆەنگريا) ىرىكتەۋ تۋرنيرىنەن ءساتتى ءوتتى.
ول جىلدامدىق بويىنشا فينالعا جەتىپ, كۇمىس جۇلدە يەلەندى.
شەشۋشى سىندا قىتايلىق ۋ پەنگە ەسە جىبەرىپ قويدى.
ايتا كەتەلىك, ىرىكتەۋ ءتۋرنيرى ەكى كەزەڭنەن تۇردى. ءبىرىنشىسى شانحايدا, ەكىنشىسى بۋداپەشتە ءوتتى.
وليمپياداعا جولداما الۋ ءۇشىن ەكى كەزەڭ قورىتىندىسى بويىنشا العاشقى جەتىلىككە ەنۋ كەرەك.
مايمۇراتوۆ جالپى ەسەپتە ءۇشىنشى ورىن يەلەنىپ, وليمپيادالىق جولدامانى قورجىنعا سالدى.
