ەلوردالىق سپورتشى قىز ساداق اتۋدان الەم چەمپيونى اتاندى
![](https://astana-akshamy.kz/wp-content/uploads/2024/05/3a9ea89c2bf261a1f175acd5c2242088_1280x720-780x470.jpeg)
ءداستۇرلى ساداق اتۋدان قازاقستان ۇلتتىق قۇراماسىنىڭ سپورتشىسى, ەلوردالىق ايكوركەم باتيحان تۇركيانىڭ ىستانبۇل قالاسىندا وتكەن «Fetih Kupası» («جەڭىس كۋبوگى») تۋرنيرىندە الەم چەمپيونى اتاندى, دەپ حابارلايدى astana-akshamy.kz
ايكوركەم باتيحان بۇل تاريحي جەڭىسكە 50 مەتر قاشىقتىقتا ديامەترى 50 سم بولاتىن پۋتا نىساناسى بويىنشا جارىستا قول جەتكىزدى. 12-ءشى رەت ءوتىپ وتىرعان «Fetih Kupası» حالىقارالىق تۋرنيرىنە الەمنىڭ 20 ەلىنەن 300-گە جۋىق سپورتشى قاتىستى.
«Fetih Kupası» حالىقارالىق ءتۋرنيرى – ءداستۇرلى ساداق اتۋ بويىنشا ەڭ ءىرى جارىستاردىڭ ءبىرى. بۇل سايىستا تابىستى ونەر كورسەتۋ جانە جەڭىسكە جەتۋ قازاقستاندىق بارلىق ساداقشىنىڭ ۇلكەن ارمانىنىڭ ءبىرى دەسەك بولادى. بۇل تۋرنير – تۇركيادا 12 جىل بويى ۇزبەي ءوتىپ كەلە جاتقان ءىس-شارا. قازاقستاندىق سپورتشىلار وعان 2017 جىلدان بەرى قاتىسىپ كەلەدى, بىراق بيىلعا دەيىن جەڭىسكە جەتپەگەن ەدىك. وسى جىلى ءبىزدىڭ سپورتشىلار فينالعا شىقتى: 4 قىز جانە 4 ەر ادام جولداما الدى.
فينالدا ايكوركەم باتيحان تۇركيانىڭ ەڭ مىقتى ساداقشىسىمەن كەزدەسىپ, ونى 5:4 ەسەبىمەن جەڭدى. ايكوركەمنىڭ جەڭىسى – بۇكىل كوماندامىز ءۇشىن ۇلكەن جەتىستىك», – دەدى ءداستۇرلى ساداق اتۋدان قازاقستان ۇلتتىق قۇراماسىنىڭ باس باپكەرى دياس احمەتوۆ.
19 جاستاعى ايكوركەم باتيحان – استانالىق سپورتشى. ونىڭ ءداستۇرلى ساداق اتۋمەن اينالىسىپ جۇرگەنىنە نەبارى 1,5 جىل بولعان.