الماتى قالاسىندا ءوتىپ جاتقان تاس جولداعى ۆەلوسپورتتان ازيا چەمپيوناتىندا استانا قالاسىنىڭ ۆەلوشاباندوزى كۇمىس جۇلدەگەر اتاندى, دەپ حابارلايدى astana-akshamy.kz.
جەرلەسىمىز دميتري گرۋزدەۆ ەرلەر اراسىنداعى جەكەلەي سىندا مارەگە 50:20 سەكۋندتا جەتىپ, ەكىنشى ورىنعا جايعاستى.
«ازيا چەمپيوناتىنا دايىندىعىم جاقسى ءوتتى. وسى ارالىقتا جاتتىعۋ جيىندارىنان وتتىك. جەڭىس ماڭداي تەرمەن كەلدى, كوپ ەڭبەكتەندىك, جاتتىقتىق, ەڭبەك ءوز ناتيجەسىن بەردى, – دەدى دميتري گرۋزدەۆ.
ايتا كەتەلىك جارىستىڭ العاشقى كۇنىندە ۇلتتىق قۇراما ارالاس كوماندالىق ەستافەتانى التىنمەن باستاعان بولاتىن. قۇراما ساپىندا استانا قالاسىنىڭ سپورتشىسى دميتري گرۋزدەۆ ونەر كورسەتتى.
قازاقستاندىق ۆەلوشاباندوزدار 40 كم جولدى 51 مينۋت 08 سەكۋندتا باعىندىردى.
12 ماۋسىمعا دەيىن جالعاساتىن سارى قۇرلىق باسەكەسىنە 30 ەلدەن 450-گە جۋىق قاتىسۋشى جينالدى.
