«استانا جاستارى» كمم ەرىكتىلەرى لۋدومانيا تۋرالى اقپاراتتىق پاراقشالار مەن بروشيۋرالار تاراتۋ بويىنشا الەۋمەتتىك اكتسيا ۇيىمداستىردى, دەپ حابارلايدى astana-akshamy.kz/
ءىس-شارا ەسىل وزەنىنىڭ جاعاسىندا ءوتتى.
اكتسيانىڭ باستى ماقساتى – قۇمار ويىندارعا تاۋەلدىلىكپەن كۇرەسۋ جانە حالىقتى لۋدومانيا پروبلەمالارى تۋرالى حاباردار ەتۋ.
«لۋدومانيا قازىرگى وسكەلەڭ ۇرپاق اراسىنداعى ۇلكەن پروبلەمانىڭ ءبىرى ەكەنىن بىلەمىز. وسىعان قالا جاستارى رەتىندە ءوز ۇلەسىمىزدى قوسۋعا تىرىسىپ ءجۇرمىز, تيىسىنشە وسى باعىتتا ءتۇرلى اكتسيالار وتكىزىپ ءجۇرمىز. ماسەلەن, بۇگىن ءبىز جاستارعا اسەر ەتەدى دەگەن ۇمىتپەن جۇرتقا بروشيۋرالار تاراتتىق», – دەدى «استانا جاستارى» مامانى كاميللا مۇقاتاەۆا.
«استانا جاستارى» ەرىكتىسى فەدور ەرمولەنكو قازىرگى قوعامدا لۋدومانيا ماسەلەسى وتكىر تۇرعانىن اتاپ ءوتتى.
«مەنىڭ ويىمشا, بۇل تاۋەلدىلىككە جاستار كوبىرەك ۇشىرايدى. بۇگىن ەسىل وزەنىنىڭ جاعاسىندا بۋكلەتتەر تاراتىپ جاتىرمىز. بۇل جاسوسپىرىمدەر ءجيى سەرۋەندەيتىن ورىنداردىڭ ءبىرى. بۇل ءىس-شارا ارى قاراي دا جالعاسىن تابادى, ويتكەنى ليۋدومانيا ماسەلەسى وزەكتى. ءبىز وسى باعىتتا تاعى دا كوپتەگەن اكتسيالار وتكىزەتىن بولامىز», – دەپ ءبولىستى «استانا جاستارى» ەرىكتىسى فەدور ەرمولەنكو.
اقپاراتتىق پاراقشالار قالانىڭ وزگە دە اۋداندارىندا – «ۆسترەچا» جانە «ارتەم» ساۋدا ۇيلەرىنىڭ اۋماعىندا تاراتۋ جوسپارلانىپ وتىر.
