استانا قالاسى ءماسليحاتىنىڭ توراعاسى ەرلان كاناليموۆ ەلوردالىق ەنەرگەتيكتەردى قۇتتىقتاپ, العىس حاتتار تابىس ەتتى. بۇل تۋرالى ە.كاناليموۆ الەۋمەتتىك جەلىدەگى پاراقشاسىندا جازدى.
«ەنەرگەتيكتەردىڭ جۇمىسى بارلىق ۋاقىتتا قۇرمەتكە لايىقتى جانە مەرەيلى بولىپ قالا بەرەدى, ونىڭ ماڭىزىن اسىرا باعالاۋ قيىن. ەنەرگەتيكتەر ەلوردا تۇرعىندارىنىڭ يگىلىگى ءۇشىن ادال ەڭبەك ەتەدى. سوندىقتان قالا تۇرعىندارىنىڭ ۇيلەرى ارقاشان جىلى. قازاقستان رەسپۋبليكاسىنىڭ مەملەكەتتىك قىزمەتكەرلەرى كۇنى اياسىندا استانا قالاسى اكىمدىگىنىڭ جاڭادان قۇرىلعان ەنەرگەتيكا باسقارماسىنىڭ بەلسەندى قىزمەتكەرلەرىنە العىس حاتتار تابىس ەتتىك. باسقارمانى ەلوردالىق ءماسليحاتتىڭ VII جانە VIII سايلانىمنىڭ بۇرىنعى دەپۋتاتى نۇرلان كۋپەشوۆ باسقارادى. ەنەرگەتيكا – بۇگىندە ەلىمىزدىڭ بۇكىل ەكونوميكاسىنىڭ دامۋىنا سەرپىن بەرەتىن ىرگەلى سالا. بىردە-ءبىر ونەركاسىپ ەلەكتر جانە جىلۋ ەنەرگياسىز جۇمىس ىستەي المايدى. باسقارما قىزمەتكەرلەرىنە زور دەنساۋلىق, جۇمىستا تابىس, وتباسىنا باق-بەرەكە تىلەيمىز!» دەپ جازدى لەبىزىن ە.كاناليموۆ.
