استانا پوليتسياسى ەر ادامدى «ۇرلاعانداردىڭ» ۆيدەوسىنا قاتىستى جاۋاپ بەردى, دەپ حابارلايدى astana-akshamy.kz
الەۋمەتتىك جەلىدە استانادا «ەر ادامدى ۇرلاپ بارا جاتقاندار» كورسەتىلگەن ۆيدەو تارادى. ەلوردالىق پوليتسيا دەپارتامەنتى وقيعاعا قاتىستى پىكىر ءبىلدىردى.
الەۋمەتتىك جەلىدە جاريالانعان ۆيدەودا ەكى ەر ادامنىڭ ءۇشىنشىسىن جەتەكتەپ, سۇيرەپ بارا جاتقانى كورىنەدى. ول ءوزىن كۇشتەپ ۇستاعاندارمەن قارسىلاسۋعا تىرىسادى, بىراق بۇدان تۇك شىقپايدى. كەيىن ەر ادامدى جاقىن جەردە تۇرعان كولىكتىڭ ارتقى ورىندىعىنا وتىرعىزىپ, كەتىپ قالادى.
جەلى قولدانۋشىلارى كۋاگەرلەر ادامدى ۇرلاۋ ءساتىن ۆيدەوعا ءتۇسىرىپ العان دەگەن بولجام جاساعان. الايدا, استانا پوليتسيا دەپارتامەنتى بۇل نۇسقانى جوققا شىعاردى.
«اتالعان فاكت بويىنشا ادامدار انىقتالدى, تەكسەرۋ جۇرگىزىلىپ جاتىر. ادام ۇرلاۋ دەرەگى راستالعان جوق. استانا پوليتسيا دەپارتامەنتى جالعان اقپارات تاراتپاۋعا جانە رەسمي دەرەككوزدەرگە سەنۋگە شاقىرادى», – دەدى ۆەدومستۆو وكىلدەرى.
