ەلوردادا العاشقى رەت استانا قالاسى اكىمدىگىنىڭ قولداۋىمەن ءاۋتيزمى جانە اقىل-وي كەمىستىگى بار بالالارعا ارنالعان «ەرەكشە الەم» اتتى جاپپاي بۇقارالىق ۆەلوشەرۋ ۇيىمداستىرىلدى, دەپ حابارلايدى astana-akshamy.kz
ۆەلوشەرۋدە ءسوز العان №6 بالالار مەن جاسوسپىرىمدەردىڭ مامانداندىرىلعان وليمپيادالىق رەزەرۆ سپورت مەكتەبىنىڭ باسشىسى باۋىرجان وتەگەنوۆ الدىمەن بالالاردى حالىقارالىق بالالار كۇنىمەن قۇتتىقتاپ, ەرەكشە جانداردىڭ ومىرگە دەگەن تالپىنىستارى مەن سپورتقا دەگەن قۇشتارلىقتارىنا ريزاشىلىعىن ءبىلدىرىپ, ولاردىڭ قوعامداعى رولىنە توقتالدى.
«قاي حالىقتىڭ بولماسىن ەلدىگىن, سالت-ءداستۇرىن, اتا-مەكەنىن بولاشاققا اپاراتىن بۇگىنگى جاس ۇرپاعى. مەملەكەت باسشىسى قاسىم-جومارت توقاەۆ «بالالارعا ەرەكشە نازار اۋدارۋ كەرەك. سەبەبى ولاردىڭ اماندىعى – مەملەكەتىمىزدىڭ جارقىن بولاشاعىنىڭ سەنىمدى كەپىلى», – دەپ ايتقان بولاتىن.
«مىنە, بۇگىندە ەلىمىزدە ەرەكشە بالالاردى قوسىمشا بىلىممەن جانە سپورتپەن قامتاماسىز ەتۋ باعىتىنا دەن قويىلىپ, قابىلەتتەرىڭىزدى شىڭداۋعا بارلىق جاعداي جاسالىپ كەلەدى. بۇگىنگىدەي ءمانى زور شارانىڭ سپورتقا مۇددەلى بالالاردىڭ سپورتتىق الەۋەتىن دامىتۋعا, ولاردىڭ قوعامنان شەت قالماي, تەڭ دارەجەدە بارشا مۇمكىندىكتەرگە قول جەتكىزە الۋىنا ماڭىزى زور دەپ سانايمىن», – دەدى ول.
ايتۋلى شاراعا 50-گە جۋىق ەرەكشە بالا مەن ولاردىڭ اتا-انالارى قاتىستى. ولار «ۇركەر» (يلينكا) تۇرعىن الابىنىڭ ساياباعىنان باستاپ 5 جانە 10 كم قاشىقتىقتاردى باعىندىردى.
بۇقارالىق ۆەلوشەرۋگە نەمەرەسى اميرا كاليەۆانى قولداۋعا كەلگەن رىستى قابدۋللينا العىسىن ءبىلدىردى.
«بۇگىنگىدەي كەرەمەت اۋا رايىندا ۇيىمداستىرىلعان ۆەلوشەرۋگە نەمەرەممەن كەلىپ وتىرمىن. مۇندا وزدەرىنىڭ بالالارىن, نەمەرەرەلەرىن قولداۋعا كوپتەگەن جاندار كەلىپ وتىر.
ءبارىمىز تولقىپ تۇرمىز. بۇل – ەرەكشە مۇمكىندىكتەرى بار بالالار اراسىندا ءوتىپ جاتقان العاشقى جارىس. وسىنداي بالالاردىڭ دامۋى مەن سپورتتاعى جەتىستىكتەرى ءۇشىن جاعداي جاساۋ, سونداي-اق قوعامنىڭ نازارىنان تىس قالدىرماي وسىنداي ءىس-شارانى ۇيىمداستىرعان قالا اكىمدىگىنە ريزاشىلىعىمدى بىلدىرەمىن. ءبىز ءۇشىن بۇل جارىس ەمەس, مەرەكەلىك ءىس-شارا بولىپ سانالادى», – دەدى رىستى اجە.
ۆەلوشەرۋدىڭ سوڭىندا ءار قاتىسۋشى مەدالمەن جانە «ليمپوپو» سپورتتىق دۇكەنى ۇسىنعان سەرتيفيكاتتارمەن ماراپاتتالدى.
بۇل ءىس-شارانى استانا قالاسى دەنە شىنىقتىرۋ جانە سپورت باسقارماسى مەن «Velolegend» قوعامدىق باستاماشىل توبى ۇيىمداستىردى.
