استانادا سارىارقا اۋدانى اكىمدىگىنىڭ باستاماسىمەن مۇمكىندىگى شەكتەۋلى بالالار ەلوردانىڭ كورىكتى جەرلەرىن قوسقاباتتى تۋريستىك اۆتوبۋسپەن ارالادى, دەپ حابارلايدى astana-akshamy.kz.
حالىقارالىق بالالاردى قورعاۋ كۇنى قارساڭىندا ۇيىمداستىرىلعان ەكسكۋرسياعا مۇمكىندىگى شەكتەۋلى 25 بالا اتا-اناسىمەن بىرگە شاقىرىلعان.
– اۋدان اكىمدىگى ءار مەرەكە سايىن بالالارعا كوڭىل بولۋگە تىرىسادى. بۇگىن حالىقارالىق بالالاردى قورعاۋ كۇنى قارساڭىندا ەرەكشە بالالار ەكىقاباتتى قىزىل اۆتوبۋسپەن قالانىڭ تاريحي جانە مادەني جەرلەرىن ارالايدى. وعان مۇمكىندىگى شەكتەۋلى 25 بالا اتا-اناسىمەن بىرگە جينالىپ وتىر. سونىمەن قاتار بۇگىن ءبىر توپ بالا الجير مەموريالدى-مۇراجاي كەشەنىنە ەكسكۋرسياعا كەتتى, – دەدى سارىارقا اۋدانى ىشكى ساياسات ءبولىمىنىڭ باس مامانى بيبىگۇل جاقسىباي.
باس ماماننىڭ ايتۋىنشا, اۋداندا 1 ماۋسىم – بالالار كۇنىنە ارنالعان بىرقاتار ءىس-شارا جوسپارلانعان. سونىڭ ءبىرى وسى ەكسكۋرسيا – مەرەكەلىك شارالاردىڭ باستاۋى. سارىارقا اۋدانىندا حالىقارالىق بالالاردى قورعاۋ كۇنى مەرەكەسىندە «كوكتال» جانە «قورعالجىن» ساياباقتارىندا جانە ەسىل وزەنى جاعالاۋىندا مەرەكەلىك كونتسەرتتەر وتەدى.
ەلوردا تۇرعىنى ايگۇل بەكتاەۆا دا ەكسكۋرسياعا بالاسىمەن بىرگە شاقىرىلىپ, توپپەن بىرگە قالانىڭ كورىكتى جەرلەرىندە بولدى. ول ەكسكۋرسيانى ۇيىمداستىرعان سارىارقا اۋدان اكىمدىگىنە العىسىن ءبىلدىردى.
-مەنىڭ بالام ەرەكشە بالالار قاتارىندا. دەگەنمەن ارقاشاندا اكىمدىك تاراپىنان قولداۋ كورسەتىلەدى. بۇگىن دە بالالار دەمالىسقا شىققان سوڭ, بوس ۋاقىتتى پايدالى وتكىزۋگە سەپتىگىن تيگىزىپ جاتىر. بۇگىنگى ەكسكۋرسيا بارلىق بالالارعا قىزىقتى ءوتىپ جاتىر, – دەيدى قالا تۇرعىنى.
ەكسكۋرسيا بارىسىندا ەرەكشە بالالار شاھاردىڭ كورىكتى جەرلەرىن ارالادى. اتاپ ايتقاندا, «بايتەرەك» مونۋمەنتى, تۋريستەر كوپ جينالاتىن ەكسپو قالاشىعى, بەيبىتشىلىك جانە كەلىسىم سارايى مەن تاۋەلسىزدىك الاڭىندا جانە ەسىل وزەنىنىڭ جاعاسىندا ورنالاسقان ورتالىق ساياباقتا سەرۋەندەدى.
زارينا سارسەنبايقىزى
