دۇنيەجۇزىلىك قورشاعان ورتانى قورعاۋ كۇنى قارساڭىندا جانە «تازا قازاقستان» اكتسياسى اياسىندا كەشە استانا قالاسىنداعى مىرجاقىپ دۋلاتۇلى اتىنداعى №68 مەكتەپ-گيمنازياسىندا ءىس-شارا ءوتتى, دەپ حابارلايدى astana-akshamy.kz
«اگرووركەندەۋ» باس جوباسى اياسىندا ەرەكشە ءبىلىم بەرۋ قاجەتتىلىگى بار وقۋشىلارمەن بىرگە عىلىمي-زەرتتەۋ جۇمىستارى جۇرگىزىلدى. وندا قازاقستاننىڭ جىلى اۋماعىندا وسەتىن وسىمدىكتەردى سولتۇستىك اۋماعىنداعى سۋىققا بەيىمدەۋ سىناقتارى جاسالدى.
«ورمان شارۋاشىلىعى» بويىنشا وتكەن بىرلەسكەن ءىس-ارەكەتتەردى ۇيىمداستىرۋ ماقساتىندا ءجۇزىم, تۇت, اليۋمين, تەرەك, تال اعاشتارى تاڭدالىپ الىندى. مەكتەپ پەداگوگتەرى مەن وقۋشىلارى «ءجۇزىم, تۇت جانە اليۋمين اعاشتارىن سۋىققا بەيىمدەۋ», «مەكتەپ اۋلاسىنا ءجۇزىم اعاشىن وتىرعىزۋ», «تابيعا سۋسىندار نەگىزىندە بىرنەشە فرەش-سۋسىندار دايىنداۋ», «كوكونىستەر مەن جاسىل اقجەلكەن, اسكوكتەردەن دۇرىس تاماقتانۋ سالاتتارىن دايىنداۋ» تاقىرىبىنا قاتىستى زەرتتەۋ جۇمىستارىن جۇرگىزدى.
جوبانىڭ ماقساتى – وسىمدىكتەردى ەكولوگيالىق تازا حيميالىق قوسپاسىز ءوسىرىپ, سالاماتتى ءومىر سالتىنىڭ قۇرامداس بولىگى رەتىندە دۇرىس تاماقتانۋدىڭ ماڭىزدىلىعى تۋرالى ءبىلىمدى قالىپتاستىرۋ. ءىس-شاراعا مەكتەپ وقۋشىلارى مەن پەداگوگتەرى قاتىستى.
