بۇگىنگى تاڭدا ەلوردادا 30 مىڭنان استام مۇمكىندىگى شەكتەۋلى جان بار. ولارعا كورسەتىلەتىن الەۋمەتتىك قولداۋ شارالارى تۋرالى قالالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا استانا قالاسى جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى ەركەبۇلان مالىك ءمالىم ەتتى.
استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ ستراتەگيالىق مىندەتى مۇگەدەكتىگى بار ادامداردى الەۋمەتتىك دامىتۋ جانە قولداۋعا باعىتتالعان. بۇل رەتتە باسقارما باسشىسىنىڭ ورىنباسارى قازىرگى كەزدە ەلوردادا 33358 مۇگەدەكتىگى بار ادام تۇراتىنىن, ونىڭ ىشىندە ەرەسەكتەر 24647 جانە بالالار سانى 8711 ادام ەكەنىن اتاپ ءوتتى.
– استانا قالاسى ءماسليحاتىنىڭ 2023 جىلعى 3 قازانداعى №84/10 شەشىمىمەن بەكىتىلگەن استانا قالاسىنىڭ الەۋمەتتىك كومەك كورسەتۋ, ونىڭ مولشەرلەرىن بەلگىلەۋ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋ قاعيدالارىنا سايكەس ءبىرىنشى توپتاعى مۇگەدەكتىگى بار ادامداردى ەرتىپ جۇرەتىن ساناتورلىق-كۋرورتتىق ەمدەلۋگە جۇمسالعان شىعىنداردى وتەۋ تۇرىندەگى تولەمدەر مولشەرى اعىمداعى جىلدىڭ 4 قاراشاسىنان 35 اەك-تەن 55 اەك-كە ۇلعايتىلدى. سونداي-اق مۇگەدەكتىگى بار ادامدارعا وڭالتۋ جانە ابيليتاتسيا جەكە باعدارلاماسىنا سايكەس وڭالتۋ قىزمەتتەرىمەن, ونىڭ ىشىندە الەۋمەتتىك جانە كاسىپتىك قىزمەتتەرىمەن قامتاماسىز ەتىلەدى, – دەدى ەركەبۇلان مالىك.
تەحنيكالىق كومەكشى, ياعني كومپەنساتورلىق قۇرالدارمەن جانە وڭالتۋ قىزمەتتەرىمەن قامتاماسىز ەتۋ بولىگىندە الەۋمەتتىك وڭالتۋ شارالارىمەن الەۋمەتتىك قىزمەتتەر پورتالى ارقىلى 2022 جىلى 17 مىڭ مۇگەدەكتىگى بار ادام, بيىل 28 مىڭنان استام ەرەكشە جان قامتىلدى. مۇگەدەكتىگى بار, ءجۇرىپ-تۇرۋىندا قيىندىقتارى بار ادامدارعا جانە مۇمكىندىگى شەكتەۋلى بالالارعا ينۆاتاكسي كولىگى تەگىن قىزمەت كورسەتەدى.
– «ينۆاتاكسي» قىزمەتى 5 باعىت بويىنشا 117 ينۆاتاكسي اۆتوكولىگىن, اتاپ ايتساق, 16 مامانداندىرىلعان جانە 101 جەڭىل اۆتوكولىكتى پايدالانا وتىرىپ, كۇنىنە ورتا ەسەپپەن 1167 تاسىمالداۋ كورسەتىلەدى. قىزمەت الۋشىلاردى تولىق قامتۋ, سونداي-اق ينۆاتاكسي قىزمەتىن كورسەتۋ مەحانيزمىن وزگەرتۋ, ساپاسى مەن جىلدامدىعىن ارتتىرۋ اياسىندا ەلوردادا 2023 جىلدىڭ 10 شىلدەسىنەن باستاپ ياندەكس Go قىزمەتى ارقىلى قاناتقاقتى جوبا ىسكە قوسىلدى. وعان 195 مۇگەدەكتىگى بار ادام, ونىڭ ىشىندە 128 مۇگەدەكتىگى بار بالا, 23 كورۋ قابىلەتى شەكتەۋلى جانە 18 جاستان اسقان دكك ۇسىنىسىمەن 61 مۇگەدەكتىگى بار ادام قاتىستى. وسى ۋاقىت ارالىعىندا جالپى سوماسى 6,5 ملن تەڭگەگە 11144 تاسىمال جۇزەگە اسىرىلدى, – دەدى باسقارما باسشىسىنىڭ ورىنباسارى.
قالا اكىمدىگى 2023-2027 جىلدارعا ارنالعان مۇگەدەكتىگى بار ادامدار ءۇشىن كەدەرگىسىز ورتا ساپاسىنىڭ مونيتورينگىن قامتاماسىز ەتۋ جونىندەگى جول كارتاسىن بەكىتتى. الماتى, سارىارقا, بايقوڭىر جانە ەسىل اۋداندارى اكىمدەرىنىڭ اپپاراتتارىندا نىسانداردى پاسپورتتاۋ بويىنشا جۇمىس توپتارى قۇرىلدى. 2023 جىلعا 219 نىسان كولەمىندە پاسپورتتاۋ جانە بەيىمدەۋگە جاتاتىن نىسانداردىڭ تىزبەسى دايىندالدى. بۇگىندە جۇمىس توپتارى بارىپ, 219 نىساننىڭ 200-ءى نەمەسە 78,8 پايىزى ساراپتامادان ءوتتى, ونىڭ ىشىندە 104 نىسان بەيىمدەلدى. جۇمىس جالعاسۋدا. اۋدان اكىمدىكتەرى بەرگەن, مونيتورينگ توپتارىنىڭ جانە قنجە ەسكەرتۋلەرىنە سايكەس, نىسانداردىڭ مەنشىك يەلەرى (بالانس ۇستاۋشىلارى), ەسكەرتۋلەردى جويۋ بويىنشا جۇمىس جۇرگىزىلۋدە.
– باسقارما – ۆەدومستۆولىق باعىنىستى 10 مەكەمەنىڭ قىزمەتىن ۇيلەستىرۋشى. ونىڭ ىشىندە حالىقتى الەۋمەتتىك قورعاۋ سالاسىنداعى ارناۋلى الەۋمەتتىك قىزمەتتەردى كورسەتۋ ستاندارتىنا سايكەس, 6 ۇيىم ارناۋلى 8 ءتۇرى بويىنشا الەۋمەتتىك قىزمەتتەر كورسەتەدى. اعىمداعى كەزەڭدە 3928 مۇگەدەكتىگى بار ادام (ونىڭ 2805-ءى – بالا) ارناۋلى الەۋمەتتىك قىزمەتتەرمەن قامتىلدى (مەملەكەتتىك مەكەمەلەر – 1583 ادام, ۇەۇ – 2345 ادام). جىل سايىن مەملەكەتتىك الەۋمەتتىك تاپسىرىس شەڭبەرىندە ارناۋلى الەۋمەتتىك قىزمەتتەردى ۇەۇ قارجىلاندىرۋ جۇزەگە اسىرىلادى. استانادا ارناۋلى الەۋمەتتىك قىزمەتتەر كورسەتەتىن ۇكىمەتتىك ەمەس ۇيىمدار سانى 2019 جىلى 5-ەۋ بولسا, 2023 جىلى 8-گە جانە قىزمەت الۋشىلاردىڭ سانى سول جىلدان 1823 ادامنان 2345 ادامعا ءوستى, – دەدى ەركەبۇلان مالىك.
جەكە وڭالتۋ جانە ابيليتاتسيا باعدارلاماسىنا سايكەس, ەڭبەككە جارامدى جاستاعى مۇگەدەكتىگى بار ادامدار ءۇشىن جۇمىسپەن قامتۋعا جاردەمدەسۋ شارالارى قاراستىرىلعان. 2023 جىلدىڭ 11 ايىنىڭ قورىتىندىسى بويىنشا جۇمىسسىزدىقتان الەۋمەتتىك قورعاۋ شارالارىمەن 1288 مۇگەدەكتىگى بار ادام قامتىلدى. «ەلەكتروندىق ەڭبەك بيرجاسى» ينتەرنەت-پورتالىندا (www.enbek.kz) مۇگەدەكتىگى بار ادامداردى جۇمىسقا ورنالاستىرۋ بويىنشا 418 جۇمىس ورنى بويىنشا 132 بوس جۇمىس ورنى بار. بۇگىنگە دەيىن ەلوردادا 39 بوس جۇمىس ورىندارى جارمەڭكەسى وتكىزىلدى.
