ەسىل اۋدانىندا بىلتىر 3349 قىلمىس تىركەلىپ, الدىڭعى جىلمەن سالىستىرعاندا 6%-عا ازايدى. بۇل تۋرالى استانا قالاسىنىڭ كوممۋنيكاتسيالار قىزمەتىندە ەسىل اۋدانىنداعى كريمينوگەندىك جاعداي تۋرالى وتكەن بريفينگتە وسى اۋدانداعى پوليتسيا باسقارماسى باستىعىنىڭ ورىنباسارى تالعات بولەگەنوۆ باياندادى, دەپ حابارلايدى astana-akshamy.kz
2023 جىلدىڭ قورىتىندىسى بويىنشا جۇرگىزىلگەن جەدەل-قىزمەتتىك ءىس-شارالاردى تالداۋ بارىسىندا ەسىل اۋدانىنىڭ قۇقىق قورعاۋ ورگاندارىنىڭ قىزمەتكەرلەرى اۋداندا ءتيىستى باقىلاۋدى ساقتاپ, قوعامدىق ءتارتىپ بۇزۋشىلىقتار, تارتىپسىزدىكتەر مەن توتەنشە جاعدايلاردىڭ الدىن الۋعا قول جەتكىزگەن.
اقپاراتتى اشۋ كورسەتكىشى وتكەن جىلمەن سالىستىرعاندا 42,1%-دى قۇراپ, 4,5%-عا جاقسارعان. قازىرگى تاڭدا وزەكتى ماسەلەنىڭ ءبىرى الاياقتىق 11,3%-عا ارتتى, بۇل ءوسىمنىڭ 10,1%-ى ينتەرنەت-الاياقتىققا تيەسىلى.
كيبەرپول بازاسىندا استانا قالالىق ءىىد قىزمەتكەرلەرى ءۇشىن اقپاراتتىق تەحنولوگيالاردى (Binance كريپتوۆاليۋتا بيرجاسى, ينتەرنەت-پلاتفورما Tik-Tok) پايدالانۋ بويىنشا مەرزىمدى وقىتۋ جۇرگىزىلىپ تۇرادى. بۇگىندە قىلمىسكەرلەردىڭ شەتەلدىك بانكتەردىڭ بانكتىك شوتتارىن, سونداي-اق شەتەلدە تىركەلگەن كريپتوبيرجالارىن پايدالانۋىنا بايلانىستى ءىستى اشۋ قيىنداپ كەتتى. قازىرگى ۋاقىتتا 1238 قىلمىستىق ءىس بويىنشا سوتقا دەيىنگى تەرگەپ-تەكسەرۋلەر توقتاتىلدى.
جالپى, 2023 جىلعا 300 ملن تەڭگەدەن اساتىن ايىپپۇلمەن 28 516 قۇقىق بۇزۋشى اكىمشىلىك جاۋاپكەرشىلىككە تارتىلدى (218 159 109 تەڭگە وندىرىلگەن), ءوندىرىپ الۋ 71,9 پايىزدى قۇرادى.
جىل باسىنان بەرى كامەلەتكە تولماعانداردى تۇنگى ۋاقىتتا جۇرگەندەرى ءۇشىن 1076 اتا-انا جاۋاپقا تارتىلعان, قر اقبك 200 بابىنا سايكەس (الكوگولدى ونىمدەردى وتكىزۋ تالاپتارىن بۇزۋ) 32 قۇقىق بۇزۋشىلىق انىقتالدى. 441 ب. بويىنشا (كاليان تەمەكىسىن تۇتىنۋعا تىيىم سالۋدى بۇزۋ) – 348 تۇلعا جاۋاپقا تارتىلدى.
تالعات سۇلتانعاليۇلى ەسىل اۋدانىنداعى قىلمىستىلىق جاعداي تۇراقتى, ال دەپارتامەنتتىڭ جەكە قۇرامى جەدەل جانە جوسپارلاردى جۇزەگە اسىرۋعا دايىن ەكەنىن ايتتى.
