ەل تىنىسى
ەسىلدى كەسىپ وتۋگە باستەسكەن بوزبالا سۋعا كەتتى
دوسىمەن ەسىل وزەنىن كەسىپ وتۋگە باستەسكەن 2007 جىلى تۋعان جەتكىنشەك سۋعا كەتتى, دەپ حابارلايدى astana-akshamy.kz.
«12 ماۋسىمدا استانادا ەسىل وزەنىندە 2007 جىلى تۋعان ءجاسوسپىرىم سۋعا باتىپ كەتتى. بوزبالالار وزەننىڭ ءبىر بەتىنەن كەلەسى بەتىنە ءجۇزىپ وتۋگە باستەسكەن. الايدا وقيعا سوڭى, وكىنىشكە قاراي, ءجاسوسپىرىمنىڭ سۋعا باتۋىمەن اياقتالىپ وتىر», – دەلىنگەن استانا قالالىق توتەنشە جاعدايلار دەپارتامەنتىنىڭ اقپارىندا.
ەلوردالىق قۇتقارۋشىلار ساعات 19:02-دە جەتكىنشەكتىڭ دەنەسىن سۋدان الىپ شىققان.
وسى ورايدا, قالالىق تجد تۇرعىندارعا سۋعا تۇسكەندە قاۋىپسىزدىك ەرەجەلەرىن ساقتاۋ كەرەكتىگىن تاعى ءبىر ەسكەرتەدى.