استانادا كەزەكتى اكتسيا وتكىزىلدى, ونىڭ بارىسىندا پوليتسەيلەر مەن ەرىكتىلەر بايقوڭىر اۋدانىندا ەسىرتكى جارناماسى بار گراففيتيلەردى ءوشىردى, دەپ حابارلايدى astana-akshamy.kz
اكتسياعا بايقوڭىر اۋدانى اكىمدىگىنىڭ, جەرگىلىكتى پوليتسيا قىزمەتى باسقارماسىنىڭ, قالانىڭ ەسىرتكى قىلمىسىنا قارسى ءىس-قيمىل باسقارماسىنىڭ, ۇكىمەتتىك ەمەس ۇيىمداردىڭ وكىلدەرى جانە «استانا جاستارى» جاستار رەسۋرستىق ورتالىعىنىڭ ەرىكتىلەرى قاتىستى.
بايقوڭىر اۋدانىندا تاشەنوۆ كوشەسى, 4/1 مەكەنجايىنداعى زاڭسىز جارنامانى بوياۋ بويىنشا كەزەكتى اكتسيا ءوتتى.
«بيىل ءبىز اۋدان اۋماعىندا ەكىنشى اكتسيا وتكىزىپ وتىرمىز. ءبىرىنشى ءىس-شارا باراەۆ كوشەسىندە ءوتتى, وندا ءبىز ەسىرتكى زاتتارىنىڭ جارناماسىن بويادىق. كەيىننەن زاڭسىز جارنامانى انىقتاۋ مەن بوياۋعا ۇقساس ءىس-شارالار وتكىزۋدى جوسپارلاپ وتىرمىز», – دەدى بايقوڭىر اۋدانىنىڭ ىشكى ساياسات ءبولىمىنىڭ باس مامانى گۇلدانا قازبەكوۆا.
اكتسيا ناشاقورلىقتىڭ تارالۋىن بولدىرماۋعا جانە ەسىرتكىگە تاۋەلدى جاستاردىڭ سانىن ازايتۋعا باعىتتالعان.
«ەسىرتكى جارناماسىن بوياۋ تۇراقتى نەگىزدە جۇزەگە اسىرىلادى. وسىنداي اكتسيالاردىڭ ارقاسىندا حالىقتىڭ نازارىن ەسىرتكى ماسەلەسىنە اۋدارامىز, سونداي-اق سايتتار ارقىلى ەسىرتكىنىڭ تارالۋىنا جول بەرمەۋگە اسەر ەتەمىز. بالالار پسيحواكتيۆتى زاتتاردى ساتاتىن دۇكەندەردى جارنامالايتىن گراففيتي-سۋرەتتەردى بوياۋ جۇمىسىن جۇرگىزەدى. بۇل پروفيلاكتيكالىق جۇمىس وسكەلەڭ ۇرپاق اراسىندا ەسىرتكىنى قولدانۋ فاكتىلەرىن ازايتۋعا باعىتتالعان», – دەدى ەلوردالىق پد ەسىرتكى قىلمىسىنا قارسى ءىس-قيمىل باسقارماسىنىڭ ءبولىم باستىعى سەرگەي يلينين.
ەسىرتكى زاتتارىنىڭ جارناماسىن جويۋ بويىنشا اكتسيالار ەلوردانىڭ بارلىق اۋدانىندا وتەدى جانە وسى جىلدىڭ قاراشا ايىنا دەيىن جالعاسادى.
