استانادا LRT كونسترۋكتسياسىنا ەۆاكۋاتور سوقتىعىسىپ قالعان, دەپ حابارلايدى astana-akshamy.kz
وقىس وقيعا كەشە كەشكە ساعات 21:15 شاماسىندا بولعان.
ونىڭ ۆيدەوسى الەۋمەتتىك جەلىلەردە جاپپاي تارالدى. كادرلاردا ەۆاكۋاتوردىڭ سالىنىپ جاتقان كونسترۋكتسيانىڭ استىنان وتە الماي تىرەلىپ قالعانىن كورۋگە بولادى.
Howo ماركالى كولىكتى تىزگىندەگەن 60 جاستاعى جۇرگىزۋشى ۇلى دالا داڭعىلى بويىمەن ۇلكەن ارنايى تەحنيكانى تاسىمالداپ بارا جاتقان. ول تۇران داڭعىلى جاعىنان قابانباي باتىر داڭعىلىمەن قيىلىسقان جەردە كولىگىنىڭ گاباريتىن (ونىڭ بيىكتىگىن) ەسكەرمەي, LRT كونسترۋكتسياسىنىڭ استىنان وتپەك بولىپ, ونى زاقىمداپ الدى, – دەلىنگەن استانا قالاسى پد حابارلاماسىندا.
ابىروي بولعاندا زارداپ شەككەندەر مەن قازا تاپقاندار جوق.
جۇرگىزۋشى اكىمشىلىك جاۋاپكەرشىلىككە تارتىلدى. ونىڭ ماتەريالدارى اكىمشىلىك سوتقا جولداندى.
