№81 Astana English School مامانداندىرىلعان گيمنازياسىندا «فۋتبول فابريكاسى CUP» بالالار-جاسوسپىرىمدەر كوماندالارى اراسىندا فۋتبولدان رەسپۋبليكالىق تۋرنير اشىلدى, دەپ حابارلايدى astana-akshamy.kz
ءتۋرنيردىڭ اشىلۋ سالتاناتىنا استانا ءماسليحاتىنىڭ توراعاسى ەرلان كاناليموۆ, استانا فۋتبول فەدەراتسياسىنىڭ پرەزيدەنتى دەۆيد لوريا, جاتتىقتىرۋشىلار, جارىسقا قاتىسۋشىلار جانە ولاردىڭ اتا-انالارى قاتىستى.
«بالالار سپورتىن دامىتۋ ەلوردا اكىمدىگى مەن استانا ءماسليحاتىنىڭ دەپۋتاتتارى ءۇشىن باسىمدىق بولىپ سانالادى. ءبىزدىڭ قالادا سپورتتىڭ 25 ءتۇرى بويىنشا 575 سپورت سەكتسياسى جۇمىس ىستەيدى. 200 مىڭعا جۋىق وقۋشىنىڭ 140 مىڭنان استامى سپورت سەكتسيالارىندا وقيدى. قالادا 11 بجسم جۇمىس ىستەيدى. جارىس 28 ماۋسىمدا اياقتالادى», – دەپ اتاپ ءوتتى ەرلان كاناليموۆ.
ۇيىمداستىرۋشىلاردىڭ ايتۋىنشا, ءىس-شارانىڭ نەگىزگى ماقساتى – بالالار مەن جاسوسپىرىمدەر فۋتبولىن دامىتۋ جانە دارىندى جاس فۋتبولشىلاردىڭ شەبەرلىگىن ارتتىرۋ.
«بۇگىن مەن بارلىق قاتىسۋشىلاردى قۇتتىقتاعىم كەلەدى! بالالار مەن جاسوسپىرىمدەر كوماندالارى اراسىندا ءتۋرنيردىڭ اشىلۋى – ءبىزدىڭ فۋتبول بولاشاعىنىڭ نەگىزى. مۇنداي جارىستار قازاقستاندىق بالالاردىڭ الەۋەتىن دامىتۋعا جاڭا مۇمكىندىكتەر اشاتىنىنا سەنىمدىمىن. ءبىزدىڭ فۋتبول مەكتەبى 2014 جىلى اشىلدى, سودان بەرى قازاقستاندىق فۋتبولدىڭ بولاشاق جۇلدىزدارىن جاتتىقتىرادى. تۋرنير 4 كۇن بويى وتەدى جانە قاتىسۋشىلارعا باعا جەتپەس تاجىريبە مەن جەكە دامۋ بەرەدى», – دەدى «فۋتبول فابريكاسىنىڭ» جەتەكشىسى داۋرەن يمانقۇلوۆ.
جىل سايىنعى «فۋتبول فابريكاسى كۋبوگى» تۋرنيرىنە قوستاناي, استانا, الماتى, پاۆلودار, قاراعاندى, قىزىلوردا, تالدىقورعان, ارقالىق, تاراز, اقسۋ قالالارىنان جانە اقمولا وبلىسىنان 2012-2016 جىلدارى تۋعان 62 بالالار كومانداسى قاتىسادى.
جارىس «Astana English School 81» مەكتەبىنىڭ الاڭىندا وتەدى.
«مەن تالدىقورعاننان وسى رەسپۋبليكالىق تۋرنيرگە قاتىسۋ ءۇشىن كەلدىم. جارىسقا بارلىق كوماندا تاباندىلىقپەن دايىندالدى جانە كوپتەگەن جاڭا نارسە ۇيرەندى. مەن قورعانىستا تۇرمىن جانە ءوزىمنىڭ بار كۇشىمدى سالامىن. ءبىزدىڭ كوماندا جەڭەتىنىنە سەنەمىن», – دەدى ءتۋرنيردىڭ 10 جاسار قاتىسۋشىسى ءاليجان تامانباەۆ.
ايتا كەتەيىك, رەسپۋبليكالىق تۋرنير ەكىنشى جىل وتۋدە. جەڭىمپازدار كۋبوكتار مەن مەدالدارمەن ماراپاتتالادى. باستاماشى «فتبول فابريكاسى» بالالار مەكتەبى بولدى.
