استانادا گەندەرلىك پريزما ارقىلى قۇقىقتىق ساراپتاما ساپاسىن ارتتىرۋ ماسەلەسى تالقىلاندى, دەپ حابارلايدى astana-akshamy.kz
كەشە «AMANAT» پارتياسى اپپاراتىندا مادەنيەت جانە اقپارات مينيسترلىگىنىڭ قولداۋىمەن «گەندەرلىك پريزما ارقىلى قۇقىقتىق ساراپتاما ساپاسىن ارتتىرۋ: تەوريادان پراكتيكاعا» تاقىرىبىندا پارلامەنت ماجىلىسىنە ارنالعان ترەنينگ ءوتتى.
وعان ينستيتۋتتار, ۇەۇ, مەملەكەتتىك ورگانداردىڭ وكىلدەرى مەن پارلامەنت ءماجىلىسىنىڭ دەپۋتاتتارى قاتىستى.
«ۇەۇ گەندەرلىك ساراپتاماسىن ەنگىزۋ – گەندەرلىك تەڭدىكتى قامتاماسىز ەتۋ جانە تەڭدىككە قول جەتكىزۋدەگى ماڭىزدى اسپەكتىلەردىڭ ءبىرى. قازىرگى ۋاقىتتا قازاقستاندا جوبالار مەن قولدانىستاعى نورماتيۆتىك قۇقىقتىق اكتىلەردىڭ گەندەرلىك ساراپتاماسىن ەنگىزۋ ادىستەمەسى ازىرلەندى. ەل زاڭناماسىنا گەندەرلىك ساراپتاما جۇيەسىن ۇيلەستىرۋ جانە ونى قۇقىقتىق تالداۋ جۇيەسىنە ەنگىزۋ بويىنشا ۇسىنىستار جاسالدى. بيىل مەملەكەتتىك ورگانداردىڭ زاڭ قىزمەتتەرىن گەندەرلىك ساراپتاما ادىستەمەسىنە ساي وقىتۋ جوسپارلانعان جانە بۇگىنگى ءىس-شارا بارلىق جوسپارلانعان جۇمىستىڭ باستاماسى بولادى», – دەدى قر مادەنيەت جانە اقپارات ۆيتسە-ءمينيسترى ەۆگەني كوچەتوۆ.
قاتىسۋشىلار سونداي-اق شەشىم قابىلداۋدىڭ بارلىق دەڭگەيىندە زاڭنامانى گەندەرلىك ساراپتاۋ ادىستەمەسىن قولدانۋ ءۇشىن داعدىلاردى نىعايتۋ ماسەلەسىن تالقىلادى.
ءىس-شارادا ءادىل ەنەرگەتيكالىق اۋىسۋ جانە تسيفرلىق ترانسفورماتسيا سالاسىنداعى گەندەرلىك ساياسات ماسەلەلەرى, سونداي-اق زاڭنامانى گەندەرلىك تۇرعىدان ساراپتاۋ ادىستەمەسى ءسوز ەتىلدى.
