مەملەكەت باسشىسى حالىققا جولداۋىندا كرەاتيۆتى يندۋستريانى قولداۋ جانە مادەنيەت, ءبىلىم, عىلىم جانە سپورت سالاسىندا حالىقارالىق ىنتىماقتاستىقتى ورناتۋدىڭ ماڭىزدىلىعىن بىرنەشە رەت اتاپ ءوتتى, دەپ حابارلايدى astana-akshamy.kz
«Global Nomads Awards 2024 شىعارماشىل جاستار بايقاۋى» جوباسىنىڭ ماقساتى پرەزيدەنتتىڭ العا قويعان مىندەتتەرىنە ساي كەلەدى.
بۇل جوبا – ورتالىق ازيادان كەلگەن جاس ءارى بولاشاعى بار كرەاتورلاردى انىقتاۋ جانە قولداۋ ءۇشىن ىڭعايلى پلاتفورما. كرەاتيۆتى يندۋستريالاردىڭ دامۋىنا جانە حالىقارالىق ىنتىماقتاستىققا دا جوبانىڭ ىقپالى زور.
«Global Nomads Awards 2024 شىعارماشىل جاستار بايقاۋى» بىرنەشە نوميناتسيالاردان تۇرادى. اتاپ ايتساق, «بولاشاق وليمپيادا چەمپيوندارىنىڭ فورماسى», «Nomade Couture», «Inspired by Nature» جانە «Digital Nomad».
جوباعا قاتىسۋ تەگىن. جۇلدە قورى – 2000 ەۋرو. سونىمەن قاتار ءار نوميناتسيا جەڭىمپازى نارىقتا كوشباسشى اتانعان قازاقستاندىق «Global Nomads» كيىم برەندىمەن بىرلەسىپ كوللەكتسيا جاساي الادى.
«بولاشاق وليمپيادا چەمپيوندارىنىڭ فورماسى» نوميناتسياسىنا ارنالعان جۇلدە – Polimoda ينستيتۋتىنىڭ ءسان پورتفوليوسىن جاساۋعا ارنالعان ەكى اپتالىق قىسقا كۋرس. كۋرس ۆيزۋالدى كوممۋنيكاتسيا جانە گرافيكالىق ديزاين داعدىلارىن دامىتادى جانە ستۋدەنتتەرگە وزدەرىنىڭ ەرەكشە ءستيلى مەن تۇلعاسىن كورسەتەتىن كاسىبي پورتفوليو جاساۋعا كومەكتەسەدى.
سونداي-اق جوبا اياسىندا ءبىلىم بەرۋ بلوگى ىسكە قوسىلدى, ماۋسىم ايىنىڭ سوڭىنا دەيىن globalnomadsawards.kz رەسمي سايتىندا ءوتىنىش قالدىرۋعا بولادى.
جوبانىڭ ءبىرىنشى ماۋسىمىنا 5 ەلدەن 312 ديزاينەر قاتىسىپ, 1600-دەن اسا جۇمىس ۇسىندى. ەكىنشى ماۋسىم ودان دا قىزىقتى.
شىعارماشىل جاستار بايقاۋىنىڭ ۇيىمداستىرۋشىلارى – قر مادەنيەت جانە اقپارات مينيسترلىگىنىڭ قولداۋىمەن «Creative&Innovation Institute» ورتالىق ازياداعى تۇراقتى دامۋ قوعامدىق قورى, Global Nomads كومپانياسى.
