استانادا پوليتسيا حالىقارالىق ىزدەۋدە جۇرگەن قىلمىسكەردى ۇستادى, دەپ حابارلايدى astana-akshamy.kz
“بوگەت” جەدەل الدىن الۋ ءىس-شاراسىن وتكىزۋ بارىسىندا استانا قالاسى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى حالىقارالىق ىزدەۋدە جۇرگەن قىلمىسكەردى ۇستادى.
وزبەكستان رەسپۋبليكاسىنىڭ 28 جاستاعى ازاماتى كىسى ولتىرگەنى ءۇشىن ىزدەۋدە بولعان. قىلمىسكەردى ىزدەستىرۋ باستاماشىسى وزبەكستان رەسپۋبليكاسى سۋرحانداريا وبلىسى ءىىب. ەر ادام ۋاقىتشا ۇستاۋ يزولياتورىنا قامالدى. ەكستراديتسيالاۋ ماسەلەسى شەشىلىپ جاتىر.
ەلوردا اۋماعىندا وسى جىلدىڭ 11 ءساۋىرى مەن 11 مامىرى ارالىعىندا شەتەلدىكتەر مەن ازاماتتىعى جوق ادامداردىڭ ءدىني ەكسترەميزم مەن تەرروريزم جاساۋىنا قارسى ءىس-قيمىل جاساۋ ماقساتىندا “بوگەت” جەدەل-پروفيلاكتيكالىق ءىس-شاراسى وتكىزىلىپ جاتىر.
