كورەيلىك ءارتىس سون يل گۋك قازاقستاندىق كينوسۇيەر قاۋىمعا «حانزادا جۋمونگ» تەلەحيكاياسى ارقىلى جاقسى تانىس, دەپ حابارلايدى astana-akshamy.kz.
«قازاقستاندا «حانزادا جۋمونگتىڭ» تانىمالدىلىعىنىڭ ارقاسىندا مەن وسىندا بولۋ قۇرمەتىنە يە بولدىم. قازىر سىزدەردى كورەي حالقىنىڭ كلاسسيكالىق-مۋزىكالىق قويىلىمى كۇتىپ تۇر. ك-دراماسىنان اسىپ تۇسەتىن ك – كلاسسيكاسىنا سۇيسىنەسىزدەر دەگەن ۇمىتتەمىز», – دەدى سون يل گۋك ەلوردادا قازاقستان جانە كورەي رەسپۋبليكاسى پرەزيدەنتتەرىنىڭ قاتىسۋىمەن وتكەن گالا-كونتسەرتتە.
سونداي-اق, كورەيلىك ءارتىس پرەزيدەنتتەردىڭ قۇرمەتىنە ارنالعان گالا-كونتسەرتتى جۇرگىزدى.
ەسكە سالا كەتسەك, «حانزادا جۋمونگ» تەلەحيكاياسى ارقىلى جاقسى تانىس ءارتىس سون يل گۋك بۇعان دەيىن 2011 جىلى قازاقستاندا بولىپ, Kazinform اگەنتتىگىنە ارنايى سۇحبات بەرگەن ەدى.
ايتا كەتەيىك, پرەزيدەنتتەر قازاقستان مەن كورەيا ونەرپازدارىنىڭ گالا-كونتسەرتىن تاماشالادى.
