«جاس سارباز» اسكەري-پاتريوتتىق كلۋبى «نۇرلى جۇرەك» بالالار ءۇيىنىڭ تاربيەلەنۋشىلەرىنە «نۆپ اعاي» كينوفيلمىن كورسەتتى, دەپ حابارلايدى astana-akshamy.kz
كينو كورسەتىلىمى ەلوردانىڭ ساۋدا-ويىن-ساۋىق ورتالىقتارىنىڭ بىرىندە ۇيىمداستىرىلدى. اكتسيا جىل باسىنان بەرى ەلوردادا وتكىزىلىپ كەلە جاتقان يگى ىستەر مارافونى اياسىندا وتكىزىلىپ كەلەدى.
«جاس سارباز» استانا فيليالى توراعاسىنىڭ ورىنباسارى ايدارحان ماحانبەت اتاپ وتكەندەي, ءىس-شارا ارميا گەنەرالى ساعادات نۇرماعامبەتوۆتىڭ 100 جىلدىعىنا ورايلاستىرىلعان.
«ساعادات نۇرماعامبەتوۆ – كورنەكتى اسكەري باسشى, كەڭەس وداعىنىڭ باتىرى, قازاقستاننىڭ حالىق باتىرى. ول تاۋەلسىز قازاقستاننىڭ تۇڭعىش قورعانىس ءمينيسترى, ارميانىڭ تۇڭعىش گەنەرالى بولدى جانە رەسپۋبليكامىزدىڭ قارۋلى كۇشتەرىن قالىپتاستىرۋعا زور ۇلەس قوستى. ونى ەسكە الۋ ءۇشىن, سونداي-اق جاستاردى پاتريوتتىق تاربيەلەۋ ماقساتىندا ءىس-شارا وتكىزەمىز», – دەدى ايدارحان ماحانبەت.
ەستەرىڭىزگە سالا كەتەيىك, ەلوردادا يگى ىستەر مارافونى جالعاسۋدا.
اكتسيانىڭ باستى ماقساتى-ەرىكتىلەر مەن بارلىق تۇرعىندارعا مۇقتاج ازاماتتارعا بارىنشا كومەك كورسەتۋگە مۇمكىندىك بەرۋ.
