ءىىم ەسىرتكى قىلمىسىنا قارسى ءىس-قيمىل دەپارتامەنتى جانە ونىڭ اۋماقتىق بولىنىستەرى جەرگىلىكتى اتقارۋشى ورگانداردىڭ كومەگىمەن حالىقارالىق ناشاقورلىققا قارسى كۇرەس كۇنىنە وراي رەسپۋبليكالىق ەسىرتكىگە قارسى ايلىقتى وتكىزدى, دەپ حابارلايدى astana-akshamy.kz
ەسىرتكىگە قارسى ايلىق كەزىندە ەلىمىز بويىنشا 5414 ءىس-شارا وتكىزىلدى, ونىڭ ىشىندە 310 اكتسيا, 103 سەمينار, 427 ءدارىس جانە 359 كەزدەسۋ, 113 دوڭگەلەك ۇستەل, 432 سپورتتىق جارىس جانە تۋرنير, 150 پروفيلاكتيكالىق سيپاتتاعى كونكۋرستار بار. ونىڭ 994-ءى ناركولوگ-دارىگەرلەردىڭ, 894-ءى ەرىكتىلەردىڭ, 215-ءى جەرگىلىكتى اتقارۋشى ورگانداردىڭ قاتىسۋىمەن, 425-ءى ۇكىمەتتىك ەمەس سەكتورمەن جانە 610-ى ءبىلىم بەرۋ ۇيىمدارىمەن بىرلەسىپ وتكىزىلدى. اتاپ ءوتۋ قاجەت, بۇل شارالار 280 مىڭنان استام ءجاسوسپىرىم مەن جاستاردى قامتىدى. ناركولوگ-دارىگەرلەر جانە سالاۋاتتى ءومىر سالتىن قالىپتاستىرۋ ورتالىقتارى وزەكتى ماسەلەلەر بويىنشا ازاماتتارعا كەڭەستەر ۇيىمداستىردى. بارلىق وڭىردە ۇكىمەتتىك ەمەس ۇيىمدارمەن بىرلەسىپ, ەسىرتكى سايتتارىنىڭ جارناماسى بار گراففيتي-جازۋلاردى انىقتاۋ جانە ءوشىرۋ بويىنشا جۇمىستار جۇرگىزىلدى. وعان 500-گە جۋىق ەرىكتى قاتىسىپ, 6 مىڭنان استام گراففيتي بويالدى, – دەدى ءىىم ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ ورىنباسارى باقىتجان ءامىرحانوۆ.
22 ماۋسىمدا استانادا “حان شاتىر” ساۋدا-ويىن-ساۋىق ورتالىعىندا, سونداي-اق ەسىل وزەنىنىڭ جاعالاۋىنداعى امفيتەاتردا “استانا – ەسىرتكىسىز قالا!” اكتسياسى ۇيىمداستىرىلدى. وعان قازاقستاندىق ەسترادا جۇلدىزدارى مەن سپورت ساڭلاقتارى, ۆوكالدىق جانە بي ۇجىمدارى قاتىستى.
23 ماۋسىمدا الماتىدا “SADU ARENA” سپورت كەشەنىندە ءىىم ەسىرتكى قىلمىسىنا قارسى ءىس-قيمىل دەپارتامەنتى گرەپلينگتەن حالىقارالىق تۋرنير وتكىزدى. وعان قازاقستان, تۇركيا, ءازىربايجان, قىرعىزستان, وزبەكستان جانە تاجىكستان ەلدەرىنەن مىڭعا جۋىق سپورتشى قاتىستى. وسىنداي اۋقىمدى ءىس-شارالار 26-27 ماۋسىم كۇندەرى رەسپۋبليكا بويىنشا وتكىزىلدى.
حالىقارالىق ناشاقورلىققا قارسى كۇرەس كۇنىنە وراي ىشكى ىستەر ءمينيسترىنىڭ قۇقىعىمەن جەرگىلىكتى اتقارۋشى ورگاندار مەن ازاماتتىق قوعامنىڭ 110 وكىلى گراموتالارمەن جانە العىس حاتتارمەن ماراپاتتالدى. اتالعان ءىس-شارالار رەسپۋبليكالىق بۇقارالىق اقپارات قۇرالدارىندا جاريالاندى. جالپى 4259 جاريالانىم جاسالدى. ونىڭ 462-ءسى اقپاراتتىق اگەنتتىكتەردە, 121-ءى تەلەارنالاردا جانە 3676-سى Instagram, Facebook, YouTube جانە TikTok الەۋمەتتىك جەلىلەرىندە. بارلىق ماتەريالدار ءىىم ۆەدومستۆولىق رەسمي پاراقشالارىندا دا جاريالاندى. مۇنداي ءىس-شارالاردى رەسپۋبليكا كولەمىندە وتكىزۋ جالعاساتىن بولادى, – دەدى باقىتجان ءامىرحانوۆ.
