استانادا يممۋنداۋ اپتالىعى وتۋدە, دەپ حابارلايدى astana-akshamy.kz
دۇنيەجۇزىلىك دەنساۋلىق ساقتاۋ ۇيىمىنىڭ (ددۇ) ەۋروپالىق ايماقتىق بيۋروسىنىڭ باستاماسىمەن سوڭعى 16 جىل ىشىندە (2005 جىلدان باستاپ) جىل سايىن ءساۋىر ايىنىڭ سوڭىندا يممۋنداۋ اپتالىعى وتەدى.
ەۋروپالىق يممۋنداۋ اپتالىعى (ەيا) – يممۋنداۋدى ناسيحاتتاۋدىڭ ءتيىمدى مەحانيزمى.
ەيا-نىڭ ماقساتى – حالىقتىڭ يممۋنداۋعا نازارىن اۋدارىپ, ونىڭ ماڭىزدىلىعى تۋرالى ساۋاتىن ارتتىرۋ. سول ارقىلى ۆاكتسيناتسيالاۋ دەڭگەيىن ارتتىرۋ. بۇل رەتتە حالىقتىڭ وسال توپتارىنا ەرەكشە نازار اۋدارىلادى.
اعىمداعى جىلى بۇل اكتسيا 22-28 ءساۋىر ارالىعىندا «ۆاكتسينا: وتكەن, قازىرگى جانە بولاشاق ۇرپاق ءۇشىن دەنساۋلىقتى قورعاۋ» ۇرانىمەن وتكىزىلەتىن بولادى.
اكتسيانىڭ ماقساتى – ۆاكتسينوپروفيلاكتيكا ماسەلەلەرىندە حالىقتىڭ حاباردارلىق دەڭگەيىن ارتتىرۋ, حالىقتى مىندەتتى يممۋنداۋعا تارتۋ, اقپاراتتى تەرىس كوزقاراستاعى ادامدارعا, ونىڭ ىشىندە اتا-انالارعا, ءدىني كونسەرۆاتورلارعا جەتكىزۋ جانە وسىلايشا جۇقپالى اۋرۋلاردىڭ الدىن الۋعا جانە ادامداردىڭ دەنساۋلىعىن ساقتاۋعا باعىتتالعان ۆاكتسينوپروفيلاكتيكانىڭ تابىستىلىعىن قامتاماسىز ەتۋ.
حالىقتىڭ قارقىندى كوشى-قون پروتسەستەرىنىڭ قازىرگى جاعدايىندا ەندەميالىق ەلدەردەن (پاكىستان, اۋعانستان, تاجىكستان) جابايى پوليوميەليت ۆيرۋسىن, قىزىلشا ۆيرۋسىن, پاندەميالىق تۇماۋدى جانە جۇقپالى اۋرۋلاردىڭ باسقا دا قوزدىرعىشتارىن كەز كەلگەن ەلگە, ونىڭ ىشىندە قازاقستانعا اكەلۋ قاۋپى تۇراقتى.
رەسپۋبليكادا تۇراقتى ەپيدەميالىق جاعداي جاساۋ ءۇشىن بالالار مەن جاسوسپىرىمدەرگە قىزىلشاعا, قىزامىققا, پوليوميەليتكە قارسى بىرنەشە رەت جاپپاي قوسىمشا ۆاكتسيناتسيا جۇرگىزىلدى.
ءار ەلدىڭ ءوزىنىڭ بەكىتىلگەن ۇلتتىق ەگۋ كۇنتىزبەسى جانە حالىق ەگەتىن جۇقپالى اۋرۋلاردىڭ ءتىزىمى بار. سونداي-اق, قازاقستاننىڭ ۇكىمەت قاۋلىسىمەن بەكىتىلگەن ەگۋ كۇنتىزبەسى بار. قازاقستان رەسپۋبليكاسىندا ۆاكتسيناتسيا رەسپۋبليكالىق بيۋدجەت ەسەبىنەن جۇزەگە اسىرىلادى.
پروفيلاكتيكالىق ەگۋلەردى كەڭىنەن جۇرگىزۋدىڭ ارقاسىندا استانا قالاسىندا ديفتەريا, سىرەسپە, پوليوميەليت, قۇتىرۋ سياقتى اۋرۋلار تىركەلگەن جوق, جەكەلەگەن ۆاكتسينامەن باسقارىلاتىن ينفەكتسيالار جەكەلەگەن جاعدايلار تۇرىندە تىركەلەدى.
رەسپۋبليكادا حالىقتى يممۋنداۋ ءۇشىن قر-دا مەملەكەتتىك تىركەۋ راسىمىنەن وتكەن ۆاكتسينالار قولدانىلادى. 2013 جىلدان باستاپ قر-عا اكەلىنەتىن ۆاكتسينانىڭ ءاربىر پارتياسىن ولاردىڭ ساپاسى مەن قاۋىپسىزدىگىن باعالاي وتىرىپ مىندەتتى سەرتيفيكاتتاۋ ەنگىزىلدى.
نەلىكتەن يممۋنداۋ ماسەلەلەرىنە كوپ كوڭىل بولىنەدى؟
ۆاكتسيناتسيانىڭ ارقاسىندا باسقارىلاتىن ينفەكتسيالاردىڭ ءورشۋ جيىلىگى سوڭعى جىلدارى كۇرت تومەندەدى كوپتەگەن اتا-انالار دا, دەنساۋلىق ساقتاۋ ماماندارى دا ۆاكتسينانىڭ الدىن الۋعا ادال. ۆاكتسينالارعا قاتىستى قوعامدىق پىكىرگە عالامتوردا, ءباسپاسوز بەتتەرىندە ۆاكتسيناتسيانىڭ قاجەتتىلىگى تۋرالى جاريالانىمدار اسەر ەتەدى, ياعني جەكەلەگەن جاعدايلاردا يممۋنداۋ ءوز تابىسىنىڭ قۇربانى بولدى.
سونىمەن قاتار, ۆاكتسيناتسيا ارقىلى الدىن الۋعا بولاتىن اۋرۋلار جىل سايىن ەۋروپا ەلدەرىندە جاس بالالاردىڭ ەداۋىر سانىن ولتىرەدى. بارلىق ەلدەردە وسال جانە قول جەتپەيتىن ۆاكتسيناتسيالانباعان پوپۋلياتسيالار بار, ولار كەيىننەن جۇقپالى اۋرۋلاردىڭ ءورشۋىن تۋدىرادى.
يممۋنداۋ جىل سايىن ميلليونداعان ادامداردىڭ ءومىرىن ساقتاپ قالادى جانە بۇل تابىسقا جەتۋ كەرەك. مەديتسينا قىزمەتكەرلەرىنىڭ اۋرۋلاردىڭ قاۋپى مەن ۆاكتسيناتسيانىڭ پايداسى تۋرالى اقپاراتتى حالىققا قولجەتىمدى تىلدە جەتكىزۋى وتە ماڭىزدى.
قازاقستاندا بارلىعىنا ۆاكتسيناتسيا تەگىن جۇرگىزىلەدى,ونىڭ ىشىندە باسقا ەلدەردەن كەلگەندەرگە دە قولجەتىمدى. يممۋنداۋ اپتالىعى كەزەڭىندە قالادا تۇرعىلىقتى مەكەنجاي بويىنشا تىركەلمەۋىنە قاراماستان, قالانىڭ اۋماقتىق ەمحاناسىندا ەكپە الا الادى.
بۇگىنگى تاڭدا يممۋنداۋعا بالاما جوق.
بىراق كەيبىر مەديتسينا قىزمەتكەرلەرى بۇل ماسەلەنى جەرگىلىكتى اتقارۋشى ورگانداردىڭ, جۇمىس بەرۋشىلەردىڭ, بۇقارالىق اقپارات قۇرالدارىنىڭ كومەگىنسىز شەشە المايدى.
استانا قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى تۇرعىنداردى ءوز دەنساۋلىعىنا قامقورلىق جاساۋعا جانە پروفيلاكتيكالىق ەگۋلەردى ۋاقتىلى الۋعا شاقىرادى!
