استانادا جالپى 69 953 بالانى قامتيتىن 546 مەكتەپكە دەيىنگى ءبىلىم بەرۋ نىسانى بار, دەپ حابارلايدى astana-akshamy.kz
استانا قالاسى ءبىلىم باسقارماسى باسشىسىنىڭ ورىنباسارى سەرىك ادىلباەۆ وكق بريفينگىندە مەكتەپ جاسىنا دەيىنگى بالالار كونتينگەنتى جىل سايىن تۋ كورسەتكىشى مەن كوشى-قون پروتسەستەرىنىڭ ءوسۋى ەسەبىنەن ارتىپ كەلە جاتقانىن اتاپ ءوتتى.
بۇگىنگى تاڭدا ينديگو ەلەكتروندى پورتالىندا جالپى ءبىلىم بەرۋ كەزەگى تىركەلدى:
– 0 جاستان 6 جاسقا دەيىن-مەكتەپ جاسىنا دەيىنگى 47 899 بالا;
– 2 جاستان 6 جاسقا دەيىن – 37 596 بالا.
«ەلوردادا 352 بالانى قامتيتىن 3 ارنايى بالاباقشا جۇمىس ىستەيدى, ينتەللەكت, كورۋ, ەستۋ قابىلەتى بۇزىلعان, پسيحيكالىق دامۋى تەجەلگەن جانە سويلەۋ قابىلەتى ناشار بالالارعا ارنالعان 24 ارنايى توپتا 506 بالا ارنايى ءبىلىم الادى, 78 مەكتەپكە دەيىنگى ۇيىمداردا 1004 بالانى قامتيتىن ينكليۋزيۆتى ءبىلىم بەرۋ توپتارى اشىلعان. ەرەكشە ءبىلىم بەرۋ قاجەتتىلىكتەرى بار بالالار ينديگو ەلەكتروندى جۇيەسىندە, ارنايى مەكتەپكە دەيىنگى ۇيىمدارعا, بالاباقشالار جانىنداعى تۇزەتۋ جانە ساناتوري توپتارىنا جولداما الادى. اعىمداعى كەزەڭدەگى جاعداي بويىنشا تۇزەتۋ كەزەگىندە جۇيەدە ارنايى ءبىلىم الۋعا مۇقتاج 964 بالا تىركەلگەن», – دەدى ول.
ونىڭ ىشىندە ەرەكشە ءبىلىم بەرۋ قاجەتتىلىكتەرى بار بالالار ءۇشىن ەلوردادا 8 پسيحولوگيالىق-مەديتسينالىق-پەداگوگيكالىق كونسۋلتاتسيا جۇمىس ىستەيدى. وسىلايشا, بالالار پسيحولوگيالىق-پەداگوگيكالىق تۇزەتۋدىڭ 4 كابينەتىندە, 2 وڭالتۋ ورتالىعىندا جانە «اسىل ميراس» اۋتيزم ورتالىعىندا پسيحولوگيالىق-پەداگوگيكالىق قولداۋ الادى.
ايتا كەتەيىك, 2024 جىلعى 1 قاڭتاردان باستاپ پمپك-دا تەكسەرۋگە جازىلۋ birge.astana.kz سايتىندا جۇزەگە اسىرىلادى.
سونداي-اق ء«اربىر بالا مەكتەپكە لايىق» جوباسى اياسىندا 8 بالاباقشادا ەموتسيونالدى-ەرىكتى سالاسى بۇزىلعان جانە مىنەز-قۇلقى (اۋتيزم) بۇزىلعان بالالارعا جالپى 90 بالانى قامتيتىن ينكليۋزيانى قولداۋ كابينەتتەرى اشىلدى.
الداعى ۋاقىتتا بالاباقشالاردا قوسىمشا ينكليۋزيانى قولداۋ كابينەتتەرىن №35, №63, №86, №98, سونداي-اق №8, №30, № 76 ءۇش شاعىن ورتالىقتىڭ جانىندا اشۋ جوسپارلانۋدا.
سونىمەن قاتار 1 قىركۇيەكتەن باستاپ جۇمىس ىستەپ تۇرعان 20 مەكتەپكە دەيىنگى ۇيىمدا 120 بالانى قامتي وتىرىپ, ەرەكشە ءبىلىم بەرۋ قاجەتتىلىگى بار بالالارعا ارنالعان قوسىمشا ينكليۋزيانى قولداۋ كابينەتتەرىن اشۋ جوسپارلانۋدا. ونىڭ ىشىندە قوسىمشا ەنگىزىلەدى.
