يتاليالىق پيانيست Astana Opera حالىقارالىق اكادەمياسىنىڭ سوليستەرىنە شەبەرلىك ساباعىن وتكىزەدى, دەپ حابارلايدى astana-akshamy.kz.
Astana Opera حالىقارالىق وپەرا اكادەمياسىنىڭ ءتالىم الۋشىلارى «قوڭىراۋ نەمەسە ءدارىحاناشىنىڭ العاشقى نەكە ءتۇنى» كوميكس وپەراسىنىڭ پرەمەراسىنا دايىندالۋدا.
قويىلىم ءساۋىر ايىنىڭ سوڭىندا ساحنالانادى.
سوليستەرمەن العاش رەت بەلگىلى وپەرا پەداگوگى, پيانيست, ديريجەر الەسساندرو بەنيني جۇمىس ىستەيتىن بولادى. ماستەر-كلاسس وتكىزۋ ءۇشىن كوۋچ-پيانيست يتاليادان ارنايى شاقىرتىلعان.
وقۋ بارىسىندا بەنيني ەكپىن قويىپ, سوليستەرمەن «بەلكانتو» ستيليستيكاسى مەن فرازيروۆكاسىن پىسىقتايتىن بولادى.
الەسساندرو بەنيني 20 جىلدان استام ۋاقىت وزيموداعى (يتاليا) ليريكالىق ونەر اكادەمياسىندا ساباق بەردى جانە الەمدىك وپەرا ورىنداۋشىلارىمەن جۇمىس ىستەگەن. پيانيست جانە مۋزىكالىق جەتەكشى رەتىندە ول ەۋروپانىڭ, جاپونيانىڭ جانە باسقا دا ەلدەردىڭ تانىمال تەاتر, فەستيۆالدارىمەن ىنتىماقتاستىقتا قىزمەت ەتتى.
ەندى ماەسترو ءوزىنىڭ باعا جەتپەس تاجىريبەسى مەن ءبىلىمىن قازاقستاندىق سوليستەرمەن بولىسەتىن بولادى.
