كوپتەگەن كاسىپكەردىڭ «كولەڭكەدەن» شىعۋىنا ىقپال ەتەتىن بولشەك سالىق مولشەرلەمەسىنىڭ تومەندەۋى جاقىندا استانالىق كاسىپكەرلەر پالاتاسىنىڭ الاڭىندا تالقىلاندى.
جۋىردا بولشەك سالىقتىڭ ارنايى رەجيمىن قولدانۋدى كوزدەيتىن قىزمەت تۇرلەرىنىڭ ءتىزىمى 190-نان 364 قىزمەت تۇرىنە دەيىن ۇلعايدى. وتكەن جىلى شوب سۋبەكتىلەرىن قولداۋ ءۇشىن ەلوردالىق ءماسليحات دەپۋتاتتارى ءوز شەشىمىمەن بۇل مولشەرلەمەنى 4-تەن 3 پايىزعا دەيىن تومەندەتتى. بۇل تۋرالى ءماسليحات توراعاسى ەرلان كاناليموۆ ءمالىم ەتتى.
«قۇرامىنا ءماسليحات دەپۋتاتتارى, مەملەكەتتىك كىرىستەر دەپارتامەنتى مەن كاسىپكەرلەر پالاتاسىنىڭ وكىلدەرىن قوساتىن جۇمىس توبىن قۇرۋدى ۇسىندىم. ايتپەسە ءبىز قالالىق بيۋدجەتكە اقشانىڭ از تۇسۋىنە تاپ بولۋىمىز مۇمكىن. بارلىق ۇسىنىستى ۇكىمەتتىڭ قاراۋىنا ەنگىزەمىز. ارىپتەستەرىمىزگە استانانىڭ 5 اۋدانىنىڭ ارقايسىسىندا كاسىپكەرلەردى قولداۋدىڭ شاعىن ورتالىقتارىن اشۋ مۇمكىندىگىن قاراستىرۋدى ۇسىندىم, بىرقاتار قاجەتتى قىزمەتتەردى, سالىق دەكلاراتسيالارى مەن ەسەپتەرىن تاپسىرۋ بويىنشا كونسۋلتاتسيالار الادى. سونىمەن قاتار كوپتەگەن قىزمەتتىڭ تسيفرلى فورماتقا كوشۋىن جەدەلدەتۋدى جانە كاسىپكەرلەرمەن اقپاراتتىق-ءتۇسىندىرۋ جۇمىسىن كۇشەيتۋدى ۇسىندىم» دەپ جازدى ە.كاناليموۆ الەۋمەتتىك جەلىدەگى پاراقشاسىندا.
