استانادا كۇزەتشىسى ۇيىقتاپ جاتقان قوناق ءۇيدىڭ كاسساسىنان 1 ملن تەڭگەگە جۋىق اقشا ۇرلاندى, دەپ حابارلايدى astana-akshamy.kz. بۇل تۋرالى Polisia.kz. جازدى.
استانا قالاسى پد ەسىل اۋدانى پب كريمينالدىق پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا قوناق ءۇي كاسساسىنان 1 ملن 52 مىڭ تەڭگە ۇرلادى دەگەن كۇدىكپەن 28 جاستاعى قالا تۇرعىنىن انىقتادى.
بەلگىلى بولعانى, ەر ادام تۇنگى ۋاقىتتا وڭاي ولجا ىزدەپ ءجۇرىپ, ەسىگى اشىق قوناق ءۇيدى بايقاعان.
«كۇدىكتى ىشكە كىرگەندە كۇزەتشى مەن اكىمشىنىڭ ۇيىقتاپ جاتقانىن كورىپ, كاسسادان قوماقتى سومادا قولما-قول اقشا ورالعان پاكەتتى جاسىرىن الىپ كەتكەن. ۇرلانعان اقشانىڭ جارتىسىن ول وز كەرەگىنە جاراتىپ ۇلگەرگەن», — دەلىنگەن حابارلامادا.
اتالعان فاكتىگە قاتىستى قىلمىستىق ءىس قوزعالدى. ەر ادام مويىنداۋ كورسەتپەلەرىن بەردى.
سونداي-اق ونىڭ ەلوردا اۋماعىندا جاسالعان ۇرلىقتىڭ تاعى ەكى فاكتىسىنە قاتىسى بارى انىقتالدى.
