ۇلتتىق مۋزەيدە «اسەمدىككە قۇشتارلىق» جوباسى اياسىندا «قازاقتىڭ قارا شاڭىراعى – كيىز ءۇي» تاقىرىبىندا ساباق ءوتتى.
كيىز ءۇيدىڭ ءسان-سالتاناتىن, ادەمىلىك پەن اسەمدىكتىڭ ۇيلەسىمىن تانىتۋ ارقىلى بالالاردىڭ ەستەتيكالىق تالعامىن وياتۋ ماقساتىندا ۇيىمداستىرىلعان ساباققا ەلورداداعى №73 جانە 83 مەكتەپ-ليتسەيلەرىنىڭ وقۋشىلارى قاتىستى. ساباق بارىسىندا كوشپەندىلەر وركەنيەتىنىڭ وزىق ۇلگىسى بولعان قازاقتىڭ قاسيەتتى كيىز ءۇيىنىڭ ەرتەدەن بەرگى تاريحى باياندالىپ, قۇرىلىمى, ىشكى جانە سىرتقى بەزەندىرىلۋى جان-جاقتى ءتۇسىندىرىلدى. وقۋشىلار كيىز ۇيگە قاتىستى اقپارات الا وتىرىپ, ءارتۇرلى كيىز ءۇي ماكەتىن تاماشالاپ, ءتۇرلى تاپسىرما ورىندادى.
