بايقوڭىر اۋدانى بويىنشا ءبۇوسو-دا «كىتاپحانا – ۇلتتىڭ نەگىزگى جادى» اتتى دوڭگەلەك ۇستەل ۇيىمداستىرىلدى, دەپ حابارلايدى astana-akshamy.kz
مەملەكەت باسشىسىنىڭ قۇرىلتايدىڭ ءۇشىنشى كۇنى سويلەگەن سوزىندە ەلىمىزدەگى كىتاپحانالار قىزمەتىن جانداندىرۋ ماسەلەسىنە بارىنشا كوڭىل ءبولۋدى اتاپ ايتقان بولاتىن. وسى ورايدا وتكەن دوڭگەلەك ۇستەلدە: رۋحاني جانە مادەني ءىس-شاراعا قاتىسۋشى زيالى قاۋىم وتباسىلىق كىتاپحانانى ءتيىمدى ۇيىمداستىرۋ جانە كىتاپ وقۋ مادەنيەتىن ارتتىرۋ قانشالىقتى ۇرپاق تاربيەسىندە ماڭىزدى جانە قالاي ۇيىمداستىرۋعا بولادى دەگەن وزەكتى ماسەلە تۇرعىسىندا پىكىر الماستى. سونىمەن قاتار قازىرگى تاڭدا قارقىن الىپ وتىرعان ەلەكتروندى كىتاپتىڭ ارتىقشىلىعى مەن زيانى تۋرالى دا قاراستىرىلدى.
اتالمىش باس قوسۋعا استانا اكىمدىگىنىڭ ورتالىقتاندىرىلعان كىتاپحانالار جۇيەسى قىزمەتكەرلەرى قاتىسىپ, ورتالىقتاعى كىتاپحاناعا بىرنەشە كىتاپ سىيعا تارتتى. اتقارىلىپ جاتقان ىزگى شارالار تۋرالى اقپارات الماستى.
مودەراتور مارجان پريمبەتوۆانىڭ كىرىسپە سوزىنەن كەيىن «ۇرپاققا امانات» زياتكەرلىك كلۋبىنىڭ بەلسەندى مۇشەسى, ارداگەر ۇستاز ب.نۇرعوجينا تاقىرىپقا وراي وتە ماڭىزدى ءسوز ايتتى. ءىس-شارا بارىسىندا «قۇرمەت» وردەنىنىڭ يەسى, تانىمال جۋرناليست ع.بالتاباي ۇلكەن ۇسىنىس جاسادى. وسىنداي يگى ءىس اتقارىلعاندا ءبىلىم باسقارمالارىنان وكىلدەر شاقىرىلعان دۇرىس دەگەن پىكىر قوستى. قالامگەر, جازۋشى ب.بۇلعاقباەۆا سويلەدى. ورتالىقتاندىرىلعان كىتاپحانالار جۇيەسى ۇجىمىنان م.ا. كەرىمبەكوۆا, ارداگەر ت. شاحزادا جانە قازاق تىلىنە قاتىسۋشى, ۇيىرمە مۇشەلەرى ا. ماجيموۆا, گ. سەيتقاسوۆا, گ. باكەنوۆالار ويلارىن ورتاعا سالدى.
ۇيىمداستىرىلعان ءىس-شارا ماقساتىنا جەتتى. كۇن تارتىبىنە قويىلعان سۇراقتار جۇيەلى تالقىلاندى.
