الەۋمەتتىك جەلىدە كوشەدە ايقايعا باسىپ, ءوزىن ۇستاپ تۇرعان ەر ادامنان قاشىپ كەتۋگە تىرىسقان ارۋدىڭ ۆيدەوسى تاراپ كەتكەن بولاتىن, دەپ حابارلايدى astana-akshamy.kz
ەلوردالىق پوليتسيا دەپارتامەنتىنىڭ وكىلدەرى اتالعان وقيعاعا قاتىستى پىكىر ءبىلدىردى. ءتارتىپ ساقشىلارىنىڭ مالىمەتىنشە, بويجەتكەندى پوليتسەيلەر كەلگەنشە جىبەرمەۋگە تىرىسقان.
اتالمىش ۆيدەو Instagram جەلىسىندەگى zhaloby.astana پاراقشاسىندا جاريالانعان.
بەينەجازبادا ەر ادام ايقايلاپ, كەتۋگە تالپىنعان بويجەتكەندى جىبەرمەي تۇرعانىن كورۋگە بولادى. الايدا ونىڭ ەر ازاماتقا شاماسى جەتپەگەن. ولاردىڭ قاسىندا تاعى بىرنەشە ەر ادام تۇرعان. ۆيدەو اۆتورىنىڭ جازباسىنا سايكەس, وقيعا استاناداعى سارىارقا اۋدانىندا ساعات تاڭعى 03:15-تە بولعان.
پوليتسيا دەپارتامەنتىنىڭ وكىلدەرى ۆيدەوعا قاتىستى پىكىر ءبىلدىردى. «كوگالدان ءبىر نارسە ىزدەگەن بويجەتكەننىڭ ارەكەتى تۇرعىنداردىڭ نازارىنا ىلىككەن. ولار بويجەتكەندى پوليتسيا كەلگەنشە ۇستاپ تۇرۋعا تىرىسقان. قازىرگى ۋاقىتتا اتالعان وقيعا بويىنشا تەكسەرىس ءجۇرىپ جاتىر. ونىڭ ناتيجەسىندە شەشىم شىعارىلاتىن بولادى», – دەدى قالالىق پد وكىلدەرى.
