استانادا قۇرىلىسى 11 جىلعا سوزىلعان تاعى ءبىر تۇرعىن ءۇي اياقتالىپ, ۇلەسكەرلەر پاتەر كىلتىن الدى.
«Future home» كوپپاتەرلى تۇرعىن ءۇي كەشەنىنىڭ قۇرىلىسى 2013 جىلى باستالعان ەدى. نىساننىڭ ءوزى 2017 جىلى
پروبلەمالى دەپ تانىلعان. مۇنداعى ۇلەسكەرلەر سانى – 200-گە جۋىق وتباسى.
«نىساندى ەقك-گە وتكىزۋ كەزىندە 4 جانە 7 قاباتى عانا سالىنعان. بۇل ءۇيدى اياقتاۋ ءۇشىن كوپتەگەن جۇيەلى جۇمىس, ونىڭ ىشىندە ينجەنەرلىك جەلىلەر بويىنشا دا جۇمىس جۇرگىزىلدى. ءتورت بلوكتىڭ تۇرعىندارىنا پاتەر كىلتى تابىستالدى. ال بەسىنشى بلوكتىڭ ۇلەسكەرلەرى جاقىن ارادا باسپانالى بولادى.
استانادا وسىعان دەيىن مەملەكەت قولداۋىنىڭ ارقاسىندا قۇرىلىسى ۇزاققا سوزىلعان 140-تان استام تۇرعىن ءۇي كەشەنى اياقتالدى. وسىلايشا 15,5 مىڭعا جۋىق ۇلەسكەر وتباسىنىڭ پروبلەماسى شەشىلدى.
بيىلعا قۇرىلىسى ۇزاققا سوزىلعان 10 ءۇي قالادى. ولاردى وسى جىلدىڭ ءى, ءىى توقسانىندا اياقتايمىز. ءاربىر نىسان بويىنشا قادامدىق ءىس-شارالار جوسپارى بار. قۇرىلىسى ۇزاققا سوزىلعان نىسانداردىڭ اياقتالۋى – مەملەكەت باسشىسىنىڭ باقىلاۋىندا» دەدى ەلوردا اكىمى جەڭىس قاسىمبەك.
