جاڭا وقۋ جىلىندا تەحنيكالىق جانە كاسىبي ءبىلىم بەرۋ ۇيىمدارىندا مەملەكەتتىك ءبىلىم بەرۋ تاپسىرىسىنىڭ كولەمى 60 مىڭ ورىنعا ۇلعايادى. وسىلايشا, مەملەكەتتىك تاپسىرىسپەن قابىلداناتىن ءبىلىم الۋشىلاردىڭ سانى 145 مىڭعا جەتەدى, دەپ حابارلايدى astana-akshamy.kz وقۋ-اعارتۋ مينيسترلىگىنە سىلتەمە جاساپ.
مەملەكەتتىك ءبىلىم بەرۋ تاپسىرىسى كەلەسى تەحنيكالىق ماماندىقتار بويىنشا كوبەيەدى: گەولوگيا, ماشينا جاساۋ, ەنەرگەتيكا, ءىت, مەتاللۋرگيا, كولىك جانە ت.ب.
«772 تەحنيكالىق جانە كاسىبي ءبىلىم بەرۋ ۇيىمدارىندا بۇگىنگى تاڭدا 542 مىڭ ستۋدەنت ءبىلىم الۋدا. ولاردىڭ 60 پايىزى جۇمىسشى ماماندىقتار بويىنشا دايىندالۋدا. قازىرگى ۋاقىتتا تجكبب بويىنشا مەملەكەتتىك تاپسىرىسپەن قامتۋ 80%-عا جەتتى. ال 2025 جىلى جاستاردى سۇرانىسقا يە ماماندىقتار بويىنشا 100% تەگىن تەحنيكالىق جانە كاسىپتىك ءبىلىم بەرۋمەن قامتۋ جوسپارلانۋدا», – دەپ اتاپ ءوتتى دەپارتامەنت ديرەكتورى اسەت مۇحانبەتوۆ.
كاسىپورىنداردىڭ وتىنىمدەرى بويىنشا 10 مىڭ ابيتۋريەنت قابىلدانادى. قازىرگى تاڭدا 518 كاسىپورىن 410 كوللەدجدى شەفتىك قامقورلىققا العان.
