حالىقتىڭ كوممۋنالدىق قىزمەتتەرگە قارىزى 150 ميلليارد تەڭگەدەن استى, دەپ حابارلايدى astana-akshamy.kz
ونىڭ ىشىندە ماڭعىستاۋ وبلىسى كوش باستاپ تۇر. استانالىقتار قىزمەتاقىنى ۋاقىتىندا تولەيتىندەر ساپىندا, سودان دا بولار قارىز كولەمى سالىستىرمالى تۇردە از.
ۇلتتىق ەكونوميكا مينيسترلىگىنىڭ مالىمەتى بويىنشا, 2024 جىلدىڭ مامىر ايىنىڭ سوڭىندا جەكە تۇلعالاردىڭ كوممۋنالدىق قىزمەتتەرگە بەرەشەگى 150,6 ملرد تەڭگەگە جەتتى:
- ەلەكتر ەنەرگياسىنا – 10,1 ملرد تەڭگە (2024 جىلدىڭ باسىنا 11,3 ملرد تەڭگە);
- ورتالىقتاندىرىلعان جىلىتۋعا – 26 ملرد تەڭگە (8,7 ملرد تەڭگە);
- گازبەن جابدىقتاۋعا – 92,2 ملرد تەڭگە (85,6 ملرد تەڭگە);
- سۋمەن جابدىقتاۋعا – 20,2 ملرد تەڭگە (3,8 ملرد تەڭگە);
- سۋ بۇرۋعا – 2,1 ملرد تەڭگە (1,7 ملرد تەڭگە).
زاڭدى تۇلعالاردىڭ قارىزى 241,2 ملرد تەڭگەگە جەتتى:
- ەلەكتر ەنەرگياسىنا – 161,7 ملرد تەڭگە (2024 جىلدىڭ باسىنا 37,8 ملرد تەڭگە);
- ورتالىقتاندىرىلعان جىلىتۋعا – 17,4 ملرد تەڭگە (10,8 ملرد تەڭگە);
- گازبەن جابدىقتاۋعا – 54,4 ملرد تەڭگە (59,1 ملرد تەڭگە);
- سۋمەن جابدىقتاۋعا – 4,5 ملرد تەڭگە (2,8 ملرد تەڭگە);
- سۋ بۇرۋعا – 3,2 ملرد تەڭگە (2,1 ملرد تەڭگە).
كوممۋنالدىق قىزمەتتەرگە بەرەشەگى بار وڭىرلەر:
- ەلەكتر ەنەرگياسى قىزمەتتەرى: ماڭعىستاۋ (116,1 ملرد تەڭگە), شىعىس قازاقستان (18,1 ملرد تەڭگە) جانە تۇركىستان (7,5 ملرد تەڭگە) وبلىستارى.
- ورتالىقتاندىرىلعان جىلۋمەن قامتاماسىز ەتۋ قىزمەتتەرى: ماڭعىستاۋ (17,2 ملرد تەڭگە), قوستاناي (7 ملرد تەڭگە) وبلىستارى جانە استانا قالاسى (3,4 ملرد تەڭگە) كوشباسشى بولدى.
- گازبەن جابدىقتاۋ قىزمەتتەرى: الماتى قالاسى (113,88 ملرد تەڭگە), ماڭعىستاۋ (21,7 ملرد تەڭگە) جانە اقتوبە وبلىسى (7 ملرد تەڭگە).
- سۋمەن جابدىقتاۋ قىزمەتتەرى: ماڭعىستاۋ (17,5 ملرد تەڭگە), قاراعاندى (1,47 ملرد تەڭگە) جانە قىزىلوردا (870,5 ملن تەڭگە) وبلىستارى.
- سۋ بۇرۋ قىزمەتتەرى: قاراعاندى (943,8 ملن تەڭگە), اباي (938,7 ملن تەڭگە) وبلىستارى جانە استانا قالاسى (651,56 ملن تەڭگە) قارىزدارى بويىنشا انتيليدەرلەر قاتارىنان كورىندى.
