ەلوردالىق بەلسەندى ارداگەرلەر قاتارىندا ابىرويمەن ءوزىنىڭ بەرەرى بار, ورتادا ورنى بار, اق جاۋلىقتى قازاقتىڭ جۋرناليستيكا مايدانىندا ءالى كۇنگە دەيىن كاسىبي ماماندىعىن ادال ورىنداپ جۇرگەن قازاق راديوسىنىڭ ديكتورى, قوعام قايراتكەرى مولداحمەتوۆا كۇلاش كايلانقىزى مەرەيلى 75 جاسقا تولىپ وتىر.
كۇلاش مولداحمەتوۆا 1948 جىلى 10 جەلتوقسان قوستاناي وبلىسى امانكەلدى اۋدانىندا دۇنيەگە كەلىپ, 1967 جىلى قىزىلوردا قىزدار پەداگوگيكالىق ۋچيليششەسىن بىتىرگەننەن كەيىن بايعابىل ورتا مەكتەبىنىڭ باستاۋىش سىنىپتارىنا مۇعالىمدىك ەڭبەك جولىن باستاپ, 1974 جىلدان جاڭادان اشىلعان تورعاي وبلىستىق راديوسىنا ديكتور بولىپ قىزمەت اتقارىپ «كۇمىس كومەي كۇلاش» اتاندى. ەلۋ جىل راديو ديكتورى بولدى.
تورعاي وبلىسى جابىلعاننان كەيىن 1997 جىلدان استانادا قازاق راديوسىنا ديكتورلىق قىزمەتىن جالعاستىردى. استانانىڭ ءوسىپ-وركەندەۋىن كوز الدىنان وتكىزدى.
مۇندا دا قوعامدىق جۇمىستارعا بەلسەنە ارالاسىپ, بۇگىندە قازاقستان رەسپۋبليكاسىنىڭ «ارداگەرلەر ۇيىمى» ورتالىق كەڭەسىنىڭ جانە استانا قالاسىنىڭ ارداگەرلەر ۇيىمىنىڭ جانىنداعى مەدياتوبىنىڭ مۇشەسى, قوعامداعى بەلسەندى ارداگەرلەرىنىڭ ءبىرى كۇلاش كايلانقىزى مەرەيتويىن ەلوردادا بالا-شاعاسى مەن نەمەرەلەرىنىڭ قۇتتىقتاۋىن قابىلداپ, ارىپتەستەرىمەن جاڭا بەلەسىن قىزىقتاۋدا.
قازىرگى تاڭدا قازاق راديوسىندا جۇمىسىن جالعاستىرىپ, «شالقار» راديوسىنان حابار وقىپ, راديو تىڭداۋشىلاردىڭ ريزاشىلىعىنا بولەنۋدە.
قوعامدىق اتقاراتىن جۇمىستارى استانا قالالىق اسسامبلەياسى جانىنداعى انالار كەڭەسىنىڭ مۇشەسى, قر ۇلتتىق كىتاپحانادا بالالارعا ەرتەگى وقۋشى, كومپوزيتور بولات حامزين اتىنداعى شىعارماشىلىق ءۇيىنىڭ كوركەمسوز وقۋ شەبەرى, قالالىق ءتىل باسقارماسىنىڭ مۇشەسى, ايتا بەرسەك, بەلسەندىلىگى ءبىر باسىنا جەتەتىندەي قوعام قايراتكەرى, بىرقاتار قۇرمەتتى اتاقتاردىڭ يەگەرى – مولداحمەتوۆا كۇلاش كايلانقىزى.
بۇكىل راديو تىڭدارماندارىنىڭ ىشىندەگى سابيلەردىڭ سۇيىكتى ەرتەگى اجەسى دە ءوزىڭىزسىز. ءسىزدىڭ كۇمىس داۋىسىڭىزدى تانىمايتىن پەندە جوق شىعار. ولار مالىن ورىسكە ايداپ, جايمەن ەفيردەن كونتسەرت باعدارلاماسىن كۇتكەن قويشى, ەگىن القابىندا قارا تەرگە ءتۇسىپ, ءبىر ساتتەگى دەمالىسىن ءسىزدىڭ شەبەرلىگىڭىزبەن وقىعان ولەڭدەرىڭىزدى سۇيسىنە تىڭدايتىن ديحانشىلار, جاي جولاۋشىنىڭ ءوزى ءسال راديودان اسەم اۋەنمەن ۇندەسكەن داۋسىڭىزدان اتاقتى اقىن-جازۋشىلاردىڭ, اتاپ ايتساق, قر ەڭبەك ەرلەرى مۇحتار شاحانوۆتىڭ پەن باقتىقوجا ىزمۇحامبەتوۆتىڭ, مۇقاعالي ماقاتاەۆتىڭ, قازاق قىزدارىنىڭ ىشىنەن شىققان حالىق جازۋشىسى فاريزا وڭعارسىنوۆانىڭ شىعارمالارىن ءسىزدىڭ وقۋىڭىزبەن ەستىگەندە كەرەمەت الەمگە تۇناتىنى دا بەكەر بولماس. داۋىسىڭىزدىڭ ءسانىن كەلتىرىپ, ادامنىڭ ىشكى دۇنيەسىندەگى سەزىمدى ادەمى جەتكىزىپ, تىڭداۋشىنى ەرىكسىز راديونىڭ الدىنا بايلاپ قوياتىن قاسيەتىڭىز دارىعان ەرەكشە جانسىز. تىڭداتا دا ءبىلۋ, ول دا ديكتوردىڭ كوركەمسوز وقۋداعى ورنى ەرەكشە شەبەرلىگى ەمەس پە؟! ءسىزدىڭ بار بايلىعىڭىز قاسيەتىڭىزبەن بىتكەن داۋىسىڭىزدىڭ ءوزى وسى عوي!
ۋاقىت دەگەن زىمىراپ ءوتىپ جاتىر. وسى جاسقا كەلگەنشە تاعدىر جولىندا كەزدەسكەن قانشاما توسقاۋىلعا توتەپ بەرىپ, قاشاندا جەڭىسكە جەتە بىلگەن مۇنداي جەتىستىگىڭىزدىڭ دە تەرەڭ سەبەبى بار دەپ ويلايمىز.
كۇلاش كايلانقىزى تەمىرقازىقتاي قالپىڭىزدان تايماي, ءومىردىڭ قىزىعىنا كەنەلىپ جۇرە بەرىڭىز!
«قاراپايىم ءومىر سۇرگەن جان ءجۇز جاسايدى» دەگەن دانالاردىڭ ءسوزى بار. وسىناۋ قاراپايىم ويدىڭ استارىندا مەيىرىمدى, جۇرەگى تازا, قينالعان ساتتە قول ۇشىن بەرۋگە دايىن تۇراتىن, قۇدايدان قورقاتىن قاناعاتشىل دا يماندى ادام تۋرالى قانشاما تۇسىنىك جاتىر دەسەڭىزشى؟! سول مەيىرىمدى جۇرەكتىڭ يەسى اسا قۇرمەتتى كۇلاش كايلانقىزى ءسىزدىڭ دە سونداي ماداققا لايىق قاراپايىم ءومىر سۇرەتىن جاننىڭ ءبىرىسىز!
استانا قالاسىنىڭ ارداگەرلەر ۇيىمىنىڭ بەلدى پلەنۋم مۇشەسى رەتىندە قوعامدىق ساياسي احۋالدىڭ دامۋىنا دا ۇلەس قوسۋداسىز. ەلوردالىق تىل جانە ەڭبەك ارداگەرلەرىنىڭ مەرەيتويلارىن ەسكەرىپ, ۇنەمى قۇتتىقتاۋ تىلەك پەن مۋزىكالىق ءان-شاشۋ ارناپ ەفيردەن جاريالاپ وتىراسىز, ول دا – ۇلكەن ادامي قاسيەتىڭىزدىڭ ەرەكشەلىگى. ەلگە دەگەن ەرەن ەڭبەگىڭىز ەسەلەنە بەرسىن!
قۇرمەتتى كۇلاش كايلانقىزى, وزىڭىزگە مەرەيلى ءۇش جيىرما بەسىڭىزگە ءساتى كەلگەندە ايالاپ وسىرگەن ۇرپاعىڭىزبەن قۋانىشىڭىز كەڭىنەن جايىلسىن, عۇمىرلى بولىڭىز دەگەن تىلەك ارنايمىز!
ىزگى نيەتپەن, استانا قالاسىنىڭ
ارداگەرلەر كەڭەسى
رايحان راحمەتوۆا
