ءماجىلىس دەپۋتاتتارى جىلۋ ەلەكتر ستانتسياسىنىڭ جۇمىسىمەن تانىستى, دەپ حابارلايدى astana-akshamy.kz
2024 جىلدىڭ 1 شىلدەسىنەن قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ ايماقتارعا ءىس-ساپارلارى باستالدى.
قر پارلامەنتى ءماجىلىسىنىڭ دەپۋتاتتارى سايلاۋشىلارمەن كەزدەسىپ, 10 شىلدەگە دەيىن «اماNات» پارتياسى سايلاۋالدى باعدارلاماسى جول كارتاسىنىڭ نىساندارىن ارالايدى.
جوسپارعا سايكەس, دۇيسەنباي تۇرعانوۆ, پاۆەل كازانتسەۆ, سامات نۇرتازا, مارات باشيموۆ, تاتيانا ساۆەلەۆا, سنەجاننا يماشەۆا سىندى قر پارلامەنتى ءماجىلىسىنىڭ بىرقاتار دەپۋتاتتارى «اماNات» پارتياسى سايلاۋالدى باعدارلاماسىنىڭ «جول كارتاسى» اياسىندا سالىنىپ جاتقان «تۇران» جەس-نىڭ جۇمىسىمەن تانىسىپ, قىزمەتكەرلەرىمەن كەزدەستى.
قالانى جىلۋمەن قامتۋ – مەملەكەت باسشىسىنىڭ باقىلاۋىندا تۇرعان ەلوردانى دامىتۋدىڭ باسىم باعىتى. نىسان جۇمىسىمەن تانىسۋعا, قىزمەتكەرلەردىڭ ۇسىنىسى مەن وتىنىشتەرىن تىڭداۋعا استانا قالاسى ءماسليحاتىنىڭ دەپۋتاتتارى, «استانا قالاسىنىڭ ەنەرگەتيكا باسقارماسى» مم وكىلدەرى, «اماNات» پارتياسى استانا قالالىق فيليالى جانىنداعى كەڭەس مۇشەلەرى دە باردى.
«قورعالجىن» تاس جولى اۋدانىنداعى بۇل قازاندىق جىلۋ تاپشىلىعى بار نەگىزگى اۋدانداردى جانە سىعاناق كوشەسىنىڭ وڭتۇستىگىندە, تۇران داڭعىلىنىڭ باتىسىندا پەرسپەكتيۆالى قۇرىلىس اۋداندارىن جىلۋمەن قامتاماسىز ەتۋگە مۇمكىندىك بەرەدى.
سونداي-اق, «Ellington» كوپفۋنكتسيونالدى وتباسىلىق-ويىن-ساۋىق تۋريستىك اۋدانىنىڭ, قازاقستاندىق يپوتەكالىق كومپانياسى سالىپ جاتقان تۇرعىن ءۇي كەشەندەرىنىڭ جانە قورعالجىن تاس جولى مەن س.سەيفۋللين كوشەسى اراسىنداعى ارالدىڭ جاڭا قۇرىلىس نىساندارىن جىلۋمەن قامتاماسىز ەتەدى.
2023 جىلى «تۇران» جەس-نىڭ قۋاتى 350 گكال/ساع بولاتىن 6 قازاندىعى بار 1-كەزەكتىڭ قۇرىلىسى اياقتالعان بولسا, بيىل قۋاتى 250 گكال/ساع بولاتىن 4 قازاندىعى بار 2-كەزەكتى اياقتاۋ جوسپارلانعان.
ايتا كەتەيىك, «تۇران» جەس-دا 95 ادام جۇمىس ىستەيدى.
كەزدەسۋ بارىسىندا قر پارلامەنتى ءماجىلىسىنىڭ دەپۋتاتتارى «استانا قالاسىنىڭ ەنەرگەتيكا باسقارماسى» مم وكىلدەرىن مازالاعان ماسەلەلەردىڭ وڭ شەشىمىن تابۋعا اتسالىساتىنىن, 2-كەزەكتىڭ ىسكە قوسىلۋىن باقىلاۋدا ۇستايتىنىن ايتتى.
