پارلامەنت ءماجىلىسى وتىرىسىندا ايەلدەر مەن بالالاردىڭ قۇقىعىن قورعاۋ تۋرالى زاڭ جوباسىنا قاتىستى سۇراق قويۋ كەزىندە ەرمۇرات ءباپي اكەلەرگە قاتىستى زاڭ قابىلداۋ باستاماسىن كوتەردى, دەپ حابارلايدى astana-akshamy.kz.
ەرمۇرات ءباپي مۇنداي زاڭدى ەر ازاماتتىڭ ءرولىن كوتەرۋ ءۇشىن جاسالۋ كەرەكتىگىن ايتتى.
«اكەلەردى بۇل زاڭمەن سۇمىرەيتىپ جىبەرگەن جوقپىز با؟ وسى زالداعىلاردىڭ كوبى «اكەڭ كەلسىن, سازايىڭدى بەرەدى» دەگەن تاربيەمەن وستىك قوي. وسى تۇرعىدا كەلگەندە ءسىز قالاي ويلايسىز؟ ەر ازاماتتىڭ ءرولىن كوتەرۋ ءۇشىن بالكىم, وتاعاسى تۋرالى زاڭ قابىلداۋىمىز كەرەك شىعار؟ – دەپ سۇرادى باپي سۇلەيمەنوۆادان.
ءماجىلىس زالىنداعى دەپۋتاتتار قول شاپالاقتاپ, ەرمۇرات ءباپيدى قولدايتىندارىن ءبىلدىردى.
“قول شاپالاققا بايلانىستى بۇل – بۇكىل ەلدىڭ سۇراعى عوي. جالپى اكەلەردىڭ ءرولىن, وتباسىنداعى جاۋاپكەرشىلىگىن, ەرەكشە ورنىن بەلگىلەيتىن زاڭ قاجەت بولسا ءبىرىنشى بوىپ قابىلداۋعا ءوزىم دە اتسالىسقىم كەلەدى”, – دەدى سۇلەيمەنوۆا.
بىراق جۇلدىز سۇلەيمەنوۆا بۇل زاڭدا ايەلدەر مەن بالالاردىڭ قۇقىعىن قورعاۋ كوزدەلگەنىن, كونستيتۋتسيادا ەر مەن ايەل بولىنبەيتىنىن ايتتى.
