«ورلەۋ» بىلىكتىلىكتى ارتتىرۋ ۇلتتىق ورتالىعى العاش رەت مەكتەپكە دەيىنگى جاستاعى بالالاردىڭ كوممۋنيكاتيۆتىك داعدىلارىن دامىتۋدا ارتپەداگوگيكالىق تەحنولوگيالار بويىنشا بىلىكتىلىكتى ارتتىرۋ كۋرسىن باستادى. بۇل كۋرسقا مەكتەپكە دەيىنگى تاربيە مەن وقىتۋ جۇيەسىنەن 1 مىڭنان استام پەداگوگ قاتىسادى.
كۋرس باعدارلاماسى مەكتەپكە دەيىنگى جاستاعى بالالارمەن جۇمىس ىستەۋدە ارتپەداگوگيكا ءادىس-ءتاسىلىن قولدانۋ بويىنشا پەداگوگتاردىڭ كاسىبي قۇزىرەتىن جەتىلدىرۋگە ارنالعان.
«ارتپەداگوگيكا – مەكتەپكە دەيىنگى بالالاردىڭ سويلەۋ جانە كوممۋنيكاتيۆتىك داعدىلارىن دامىتۋدىڭ يننوۆاتسيالىق ءادىسىنىڭ ءبىرى. بالالاردىڭ قارىم-قاتىناسىنىڭ باسىم اسپەكتىسى ويىن بولعاندىقتان, ارتپەداگوگيكالىق تەحنولوگيالاردىڭ ىشىندە ەرتەگى, كىتاپ, مۋزىكا, ويىن, بي, سۋرەت تەراپيالارى ماڭىزدى. بۇگىندە كۋرستا 669 پەداگوگ وقۋدا» دەپ اتاپ ءوتتى «ورلەۋ» باسقارماسىنىڭ توراعاسى ايدانا شيليبەكوۆا.
باعدارلاما وقىتۋدىڭ ءارتۇرلى ءادىسىن, ءتۇرىن, ونىڭ ىشىندە پراكتيكالىق جۇمىس پەن تالقىلاۋدى, كەيستەردى تالداۋدى, كوشپەلى پراكتيكالىق ساباقتاردى ۇيىمداستىرۋدى كوزدەيدى. كۋرس بويىنشا وقۋ قاراشا ايىنىڭ سوڭىنا دەيىن جالعاسادى.
ولجاس سۇلەيمەنوۆ
