وتكەن جىلى ارحيتەكتۋرالىق كەلبەتى مەن جارناما ەلەمەنتتەرىن عيماراتتارعا ورنالاستىرۋ ەرەجەلەرى ساقتالماۋىنان استانادا 8857 ماڭدايشا مەن ءتۇرلى جارنامانى بولشەكتەۋگە نۇسقامالار بەرىلدى. بۇل تۋرالى «استانا جارناما» كوممۋنالدىق مەكەمەسىنىڭ قالالىق ءماسليحات وتىرىسىنداعى ەسەبىندە ايتىلدى.
جيىندا ءماسليحات توراعاسى ەرلان كاناليموۆ ماڭدايشالار مەن قاسبەتتەردىڭ بىرىڭعايلىعىنا, ارىپتەردىڭ ستيليستيكاسىنا جانە ديزاين كودتىڭ ساقتالۋىنا ەرەكشە نازار اۋدارۋدى تاپسىردى. ونىڭ پىكىرىنشە, ءتيىمدى جانە اشىق جۇمىس ىستەۋ ءۇشىن قالانىڭ 5 اۋدانىنىڭ اكىمدىكتەرىنىڭ جانىنان مونيتورينگتىك توپتار قۇرۋ قاجەت. ولار كاسىپكەرلەردى جازالاماي, بىرىڭعاي ستيلگە ادال كوزقاراس قاعيداتىن ەنگىزۋى ءتيىس.
«لاتىن الىپبيىندەگى بەلگىلەرگە ەرەكشە نازار اۋدارۋ كەرەك. بۇل الفاۆيت بويىنشا تۇپكىلىكتى شەشىم ءالى قابىلدانعان جوق. ۋاقىتشا جارنامالىق كونسترۋكتسيالار – «ورمەكشىلەر», سوزىلۋ بەلگىلەرى, باسقا دا ساۋلەت ۇلگىلەرىنە كاسىپكەرلەر پالاتاسىنىڭ تالاپتارىن ەسكەرە وتىرىپ, ساپالى جانە ستاندارتتار بويىنشا ءونىم شىعارۋمەن اينالىساتىن باسپاحانالار مەن جارنامالىق كومپانيالاردىڭ ءتىزىمىن جاساۋ قاجەت» دەدى ەرلان كاناليموۆ.
