استانادا ماسالار مەن شىركەيلەرگە قارسى دەزينسەكتسيالىق جۇمىستار ءجۇرىپ جاتىر, دەپ حابارلايدى astana-akshamy.kz
ولار ساۋىردەن باستاپ, اي سايىن قىركۇيەككە دەيىن 15 كۇن ىشىندە 6 تۋر بويىنشا وتكىزىلەدى.
بيىل دەزينسەكتسيالىق ءىس-شارالار ءساۋىر ايىنان باستالدى. ءبىرىنشى تۋر اياسىندا قالانىڭ بارلىق تابيعي جانە جاساندى سۋ ايدىندارى وڭدەلدى, بۇل 120-دان استام تۇراقتى جانە 100 ۋاقىتشا, سونداي-اق اشىق ستانتسيالار – ساياباقتار, سكۆەرلەر, كوشەلەر, تۇرعىن ءۇي ماسسيۆتەرى.
30 مامىردان باستاپ 2-ءشى تۋر اياسىندا سۋ ايدىندارى مەن اشىق ستانتسيالاردى وڭدەۋ جۇمىسى باستالدى. دەزينسەكتسيا تولىق جويۋعا ەمەس, ماسالار سانىن ازايتۋعا باعىتتالعان, ويتكەنى ولار تابيعي ەكوجۇيەنىڭ اجىراماس بولىگى بولىپ سانالادى.
سونىمەن قاتار, كىرەبەرىستەر مەن جەرتولەلەردى وڭدەۋگە پيك جانە ميب-تەر/ۇيلەردىڭ باسقارۋشى كومپانيالارى جاۋاپتى ەكەنىن اتاپ وتكەن ءجون. ويتكەنى بۇل اۋماق ولاردىڭ قۇزىرەتىنە جاتادى. بىرقاتار ۇيلەردە ماسالاردىڭ باسقا ءتۇرى بايقالادى – ىزىلداۋىق ماسالار. ىزىلداۋىق ماسالار تىستەيتىن جاندىك ەمەس. ولار كوبىنەسە سىرتقى تۇرىنە بايلانىستى قاراپايىم ماسالارمەن شاتاستىرىلادى. ىزىلداۋىق ماسالاردىڭ ەرەسەك تۇرلەرى تاماقتانبايدى جانە 3-تەن 7 كۇنگە دەيىن ءومىر سۇرەدى, كوبىنە توپ بولىپ ءومىر سۇرەدى. سوندىقتان پيك/ميب/باسقارۋشى كومپانيالار كىرەبەرىستەر مەن جەرتولەلەردى دەزينسەكتسيالاۋدى ۋاقىتىلى جۇرگىزۋى كەرەك.
قان سوراتىن جاندىكتەردىڭ سانىن انىقتاۋ جانە ازايتۋ جۇمىستارى باقىلاۋدا, سول سياقتى جۇمىس كەستەسىنە جانە عىلىمي توپ پەن سانەپيدباقىلاۋ ۇسىنىمدارىنا سايكەس ءجۇرىپ جاتىر.
ماۋسىم بويى ءىس-شارالار تۇنگى ساعات 21:00-دەن 04:00-گە دەيىن وتكىزىلەدى. دەزينسەكتسيا كەزىندە ەلوردا تۇرعىندارى مەن قوناقتارىنا ساقتىق شارالارىن ساقتاۋ ماڭىزدى: وڭدەلەتىن ورىندارعا بارماۋ جانە وڭدەۋ كەزىندە تەرەزەلەردى جابۋ.
