استانا قالاسى تىلدەردى دامىتۋ جانە ارحيۆ ءىسى باسقارماسىنىڭ ۇيىمداستىرۋىمەن تاۋەلسىزدىك كۇنىنە وراي «Qazaqwa Quiz» ينتەللەكتۋالدى سايىسى ءوتتى. سايىستىڭ ماقساتى – قازاق ءتىلىن, تاريحىن, سالت-ءداستۇرىن, ادەت-عۇرپىن, عىلىمى, ونەرى, ادەبي مۇرالارىن ناسيحاتتاۋ, ۇجىممەن جۇمىس جاساۋ داعدىلارىن ارتتىرۋ.
اتالعان سايىسقا 20 مەكەمە قاتىستى. قاتىسۋشى كوماندالار «تەست سۇراقتارى», «سوزجۇمباق» كروسسۆورد تۋرى, «ءۇش سۋرەت» مەديا تۋرى, «ءان ءسوزى», «قازاق كينوسى», «ويلان, تاپ» تۋرلارى بويىنشا سىنعا ءتۇستى.
ناتيجەسىندە I ورىندى «استانا-ايماقتىق ەلەكترجەلىلىك كومپانياسى» اق-نىڭ «شامشىراق» توبى, II ورىندى ءازىربايجان مامبەتوۆ اتىنداعى مەملەكەتتىك دراما جانە كومەديا تەاترىنىڭ «ءا.مامبەتوۆ مەكتەبى» توبى, III ورىندى «رۋحانيات» كوممۋنالدىق مەملەكەتتىك مەكەمەسىنىڭ «بولاشاق» توبى جەڭىپ الدى. بايقاۋعا قاتىسۋشىلار ديپلومدارمەن, العىس حاتتارمەن جانە سىيلىقتارمەن ماراپاتتالدى.
